- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
دۆلەت دورا نازارىتى ئىدارىسى ‹‹بەيدۇ›› شىركىتى بىلەن ھەمكارلىشىپ ساختا دورىلارغا زەربە بېرىدۇ
2013.02.28 13:34 مەنبە: تەڭرىتاغ ئۇيغۇرچە تورى
25-فېۋرال ، دۆلەت يېمەكلىك ۋە دورىلارنى نازارەت قىلىپ باشقۇرۇش ئىدارىسى بىلەن ‹‹بەيدۇ›› شىركىتى بېيجىڭدا بىخەتەر دورا ئىشلىتىش بويىچە ئىستراتېگىيەلىك ھەمكارلىق كېلىشىمى ئىمزالاش مۇراسىمى ئۆتكۈزدى . ‹‹بەيدۇ ›› ئىزدەش تورى دۆلەت دورا نازارىتى ئىدارىسىنىڭ دورا سانلىق مەلۇمات ئامبىرى ، دورا چۈشەندۈرمىسى نۇسخىسى سانلىق مەلۇمات ئامبىرى ۋە ئېتىراپ قىلىنغان تور دورا دۇكىنى سانلىق مەلۇمات ئامبىرى مەنبەسى ئارقىلىق ئاممىنى نوپۇزلۇق دورا ۋە دورا دۇكىنى ئۇچۇرلىرى بىلەن تەمىنلەيدۇ .
دۆلەت دورا نازارىتى ئىدارىسى ‹‹بەيدۇ›› شىركىتىگە ئېچىۋەتكەن دورا سانلىق مەلۇمات ئامىبرى دۆلىتىمىزدە ئىشلەپچىقىرىلغان ياكى ئىمپورت قىلىنغان 180 مىڭ خىلدىن ئارتۇق دورىنىڭ تۈرلۈك ئۇچۇرىنى ئۆز ئىچىگە ئالىدۇ ؛ دورا چۈشەندۈرمىسى نۇسخىسى سانلىق مەلۇمات ئامبىرى بولسا 6000 خىلدىن ئارتۇق رېتسېپسىز(OTC) خىمىيەۋىلىك دورا ، شۇنداقلا جۇڭيى دورىلىرىنىڭ چۈشەندۈرمە نۇسخىسىنى ئۆز ئىچىگە ئالىدۇ . بۇنىڭدىن كېيىن ، كىشىلەر ‹‹بەيدۇ ›› ئىزدەش تورى كاتەكچىسىگە دورىنىڭ خىمىيەلىك ئاتالغۇسى ياكى تاۋار نامىنى كىرگۈزۈپ ، چىققان ئىزەش نەتىجىسىدىكى بىرىنچى تۈر ‹‹دۆلەت يېمەكلىك ۋە دورىلارنى نازارەت قىلىپ باشقۇرۇش ئىدارىسى تەستىقلىغان دورا ئۇچۇرلىرى ‹بەيدۇ› دورا ئۇچۇرىنى سۈرۈشتۈرۈش ›› نى باسسىلا ، ئىزدىمەكچى بولغان دورىنى ئىشلەپچىرىقىرىشقا ئىجازەت بېرىلگەن كارخانا ، تەستىقلانغان ھۆججەت نومۇرى ، شۇنداقلا دورىنىڭ چۈشەندۈرمىسى قاتارلىق ئۇچۇرلارغا ئىگە بولالايدۇ .
مەسئۇل مۇھەررىر : ھەبىبە