ج خ مىنىستىرلىقى قاتناش باشقۇرۇش ئىدارىسىنىڭ ئىستاتىستىكىسىغا ئاساسلانغاندا، بۇ يىل يانۋاردىن ئۆكتەبىرگىچە مەملىكىتىمىزدە قاتناش قائىدىسىگە خىلاپ ھالدا قىزىل چىراقتا يولدىن كېسىپ ئۆتۈپ ۋەقە تۇغدۇرۇش قېتىم سانى 4227 قېتىم بولۇپ، جەمئىي 798 ئادەم ھاياتىدىن ئايرىلغان. 2011-يىلى، پۈتۈن مەملىكەتتە قاتناش سىگنالىغا رىئايە قىلماسلىقتەك قانۇنغا خىلاپ قىلمىش سەۋەبىدىن كېلىپ چىققان قاتناش ھادىسىسى 4768 قېتىم بولۇپ، جەمئىي 6143 ئادەمنىڭ يارىلىنىشى، 1175 ئادەمنىڭ ئۆلۈشىنى كەلتۈرۈپ چىقارغان. شۇنىڭ بىر ۋاقىتتا، يولدىكى قاتناش ھادىسىسىنى ئەڭ كۆپ كەلتۈرۈپ چىقارغان قانۇنغا خىلاپ قىلمىشلارنىڭ ئىچىدە، قاتناش سىگنالىغا خىلاپلىق قىلىش ئالدىنقى ئوننىڭ ئىچىدە تۇرغان.
11-دېكابىر چۈشتە، بېيجىڭدا قاتناش ساقچىسى «جۇڭگوچە يولدىن ئۆتۈش»نى تۈزىمەكتە، يېرىم سائەت جەريانىدا قىزىل چىراقنى بېسىپ ئۆتكەن 19 نەپەر پىيادە ماڭغان ئادەمگە 10 يۈەندىن جەرىمانە قويۇلدى. بېيجىڭ شەھىرى 11-دېكابىردىن كېلەر يىلى 3-ئايغىچە، شەھەر تەرتىپىگە تەسىر كۆرسىتىدىغان، ماشىنىلارنڭ يول يۈرۈشىگە ئائىت ۋە ئامما ئىنكاس قىلغان 9 تۈردىكى مەسىلىلەرنى تۈزەيدۇ.
مەنبە: خەلق تورى