شى جىنپىڭ ئىسلاندىيەنىڭ زۇڭتۇڭلۇقىغا سايلانغان توماسدوتتىرغا تەبرىك تېلېگراممىسى ئەۋەتتى

　　6 - ئاينىڭ 4 - كۈنى، دۆلەت رەئىسى شى جىنپىڭ خادلا توماسدوتتىرغا تېلېگرامما ئەۋەتىپ، ئۇنىڭ ئىسلاندىيەنىڭ زۇڭتۇڭلۇقىغا سايلانغانلىقىنى تەبرىكلىدى.

　　شى جىنپىڭ مۇنداق كۆرسەتتى: يېقىنقى يىللاردىن بۇيان، جۇڭگو - ئىسلاندىيە مۇناسىۋىتى ياخشى تەرەققىيات ۋەزىيىتىنى ساقلىدى. ئىككى تەرەپنىڭ ئىقتىساد - سودا، مەبلەغ سېلىش، يەر ئىسسىقلىق بايلىقى، مۇھىت قوغداش، مەدەنىيەت - ساياھەت قاتارلىق ساھەلەردىكى ھەمكارلىقى پۇختا ئالغا سىلجىتىلىپ، ئۈزلۈكسىز يېڭى نەتىجىلەر قولغا كەلتۈرۈلدى. مەن جۇڭگو - ئىسلاندىيە مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، زۇڭتۇڭلۇققا سايلانغان توماسدوتتىر بىلەن بىرلىكتە تىرىشىپ، ئىككى دۆلەتنىڭ سىياسىي جەھەتتە ئۆزئارا ئىشىنىشنى چوڭقۇرلاشتۇرۇپ، ئۆزئارا مەنپەئەت يەتكۈزۈش ھەمكارلىقىنى كېڭەيتىپ، جۇڭگو - ئىسلاندىيە مۇناسىۋىتىنىڭ يېڭى پەللىگە كۆتۈرۈلۈشىگە تۈرتكە بولۇشنى خالايمەن.