شى جىنپىڭ مېكسىكىنىڭ زۇڭتۇڭلۇقىغا سايلانغان سېنباۋۇمغا تەبرىك تېلېگراممىسى ئەۋەتتى

　　6 - ئاينىڭ 4 - كۈنى، دۆلەت رەئىسى شى جىنپىڭ كلاۋدىيا سېنباۋۇم پاردوغا تەبرىك تېلېگراممىسى ئەۋەتىپ، ئۇنىڭ مېكسىكا قوشما ئىشتاتىنىڭ زۇڭتۇڭلۇقىغا سايلانغانلىقىنى تەبرىكلىدى.

　　شى جىنپىڭ مۇنداق كۆرسەتتى: مېكسىكا لاتىن ئامېرىكىسى رايونىدىكى چوڭ دۆلەت ۋە مۇھىم يېڭىدىن گۈللەنگەن بازار دۆلىتى، جۇڭگو - مېكسىكا ئومۇميۈزلۈك ئىستراتېگىيەلىك ھەمراھلار. ھازىر جۇڭگو - مېكسىكا مۇناسىۋىتىدە ياخشى تەرەققىيات ساقلىنىپ، ئىستراتېگىيەلىك خاراكتېرى، ئۆزئارا تولۇقلاش خاراكتېرى، ئۆزئارا مەنپەئەت يەتكۈزۈش خاراكتېرى ئۈزلۈكسىز نامايان بولۇپ، ئالدىنقى ئىشلارغا ۋارىسلىق قىلىپ، كېيىنكى ئىشلارغا يول ئاچىدىغان، ئالدىنقىلارغا ۋارىسلىق قىلىپ، كېيىنكىلەرگە يول ئاچىدىغان مۇھىم مەزگىلدە تۇرماقتا. مەن جۇڭگو - مېكسىكا مۇناسىۋىتىنى تەرەققىي قىلدۇرۇشقا يۈكسەك ئەھمىيەت بېرىمەن، زۇڭتۇڭلۇققا سايلانغان سېنباۋۇم بىلەن ئىستراتېگىيەلىك پىكىر ئالماشتۇرۇشنى كۈچەيتىپ، ئىككى دۆلەت مۇناسىۋىتىنىڭ ئۈزلۈكسىز يېڭى پەللىگە كۆتۈرۈلۈشىگە يېتەكچىلىك قىلىپ، ئىككى دۆلەت خەلقلىرىگە تېخىمۇ ياخشى بەخت يارىتىشنى خالايمەن.