شى جىنپىڭ پانامانىڭ زۇڭتۇڭلۇقىغا سايلانغان مۇلىنوغا تەبرىك تېلېگراممىسى ئەۋەتتى

　　يېقىندا، دۆلەت رەئىسى شى جىنپىڭ خېسەي رائۇل مۇلىنوغا تېلېگرامما ئەۋەتىپ، ئۇنىڭ پاناما جۇمھۇرىيىتىنىڭ زۇڭتۇڭلۇقىغا سايلانغانلىقىنى تەبرىكلىدى.

　　شى جىنپىڭ مۇنداق كۆرسەتتى: 2017 - يىلى 6 - ئايدا، جۇڭگو بىلەن پاناما دىپلوماتىك مۇناسىۋەت ئورنىتىپ، ئىككى دۆلەت مۇناسىۋىتىنىڭ يېڭى سەھىپىسىنى ئاچتى. دىپلوماتىك مۇناسىۋەت ئورناتقان يەتتە يىلغا يېقىن ۋاقىتتىن بۇيان، ئىككى دۆلەت مۇناسىۋىتى تېز تەرەققىي قىلىپ، مول نەتىجىلەر قولغا كەلتۈرۈلۈپ، ئىككى دۆلەت خەلقلىرىگە ئەمەلىي نەپ ئېلىپ كەلدى. ئەمەلىيەت شۇنى ئىسپاتلىدىكى، جۇڭگو بىلەن پانامانىڭ دىپلوماتىك مۇناسىۋەت ئورنىتىشى ئىككى دۆلەتنىڭ تۈپ مەنپەئىتىگە ئۇيغۇن، جۇڭگو - پاناما مۇناسىۋىتىنى ئالغا سىلجىتىش، بىر جۇڭگو پىرىنسىپىدا چىڭ تۇرۇش ئىككى دۆلەت جەمئىيىتىدىكى ھەرقايسى ساھەلەرنىڭ ئومۇميۈزلۈك ئورتاق تونۇشى بولۇپ قالدى. جۇڭگو بىلەن پاناما سەمىمىي، ئۆزئارا ئىشىنىدىغان ياخشى دوستلار، ئۆزئارا مەنپەئەت يەتكۈزۈپ تەڭ نەپ ئالىدىغان ياخشى ھەمراھلار. مەن جۇڭگو - پاناما مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، زۇڭتۇڭلۇققا سايلانغان مۇلىنو بىلەن دوستلۇق ئالاقىنى قانات يايدۇرۇپ، جۇڭگو - پاناما مۇناسىۋىتىنىڭ ئالدىنقىلارغا ۋارىسلىق قىلىپ كېيىنكىلەرگە يول ئېچىپ، سىجىل چوڭقۇر تەرەققىي قىلىشىغا يېتەكچىلىك قىلىپ، ئىككى دۆلەت خەلقلىرىگە تېخىمۇ ياخشى بەخت يارىتىشنى خالايمەن.