شى جىنپىڭ تېلېگرامما يوللاپ سىتۇبنىڭ فىنلاندىيە زۇڭتۇڭلۇقىغا سايلانغانلىقىنى تەبرىكلىدى

　　دۆلەت رەئىسى شى جىنپىڭ 2-ئاينىڭ 16-كۈنى ئالېكساندر سىتۇبقا تېلېگرامما يوللاپ، ئۇنىڭ فىنلاندىيە جۇمھۇرىيىتىنىڭ زۇڭتۇڭلۇقىغا سايلانغانلىقىنى تەبرىكلىدى.

　　شى جىنپىڭ مۇنداق دەپ كۆرسەتتى: ئىككى تەرەپنىڭ ئورتاق تىرىشچانلىقىدا، جۇڭگو-فىنلاندىيە مۇناسىۋىتىدە يېقىنقى يىللاردىن بۇيان ئەنئەنىۋى دوستلۇق داۋاملاشتى ھەمدە ئۈزلۈكسىز يېڭى تەرەققىياتلار قولغا كەلتۈرۈلدى. ئىككى دۆلەت ئۆزئارا ھۆرمەت قىلىش، باراۋەر مۇئامىلە قىلىش، ئۆزئارا مەنپەئەت يەتكۈزۈپ ئورتاق پايدا ئېلىشتا باشتىن-ئاخىر چىڭ تۇرۇپ كەلدى، ھەر قايسى ساھەلەردىكى ئەمەلىي ھەمكارلىق ئىككى دۆلەت خەلقىگە ئەمەلىي نەپ ئېلىپ كەلدى. مەن جۇڭگو-فىنلاندىيە مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، زۇڭتۇڭ سىتۇب بىلەن بىرلىكتە تىرىشىپ، جۇڭگو-فىنلاندىيە دوستلۇقىنى داۋاملاشتۇرۇپ، سۆزلىشىش ۋە ھەمكارلىق ئارقىلىق جۇڭگو-فىنلاندىيەنىڭ كەلگۈسىگە يۈزلەنگەن يېڭىچە ھەمكارلىق-ھەمراھلىق مۇناسىۋىتىنى چوڭقۇر ئالغا سىلجىتىپ، دۇنياۋى خىرىسقا ئورتاق تاقابىل تۇرۇپ، دۇنيانىڭ تىنچلىقى ۋە تەرەققىياتىنى ئىلگىرى سۈرۈشنى خالايمەن.