شى جىنپىڭ ئىراندا ئېغىر تېررورلۇق ھۇجۇمى ۋەقەسى يۈزبەرگەنلىكى مۇناسىۋىتى بىلەن ئىران زۇڭتۇڭى لەيشىغا ھال سوراش تېلېگراممىسى ئەۋەتتى

　　1 - ئاينىڭ 4 - كۈنى، دۆلەت رەئىسى شى جىنپىڭ ئىراندا ئېغىر تېررورلۇق ھۇجۇمى ۋەقەسى يۈزبەرگەنلىكى مۇناسىۋىتى بىلەن ئىران زۇڭتۇڭى لەيشىغا ھال سوراش تېلېگراممىسى ئەۋەتتى.

　　شى جىنپىڭ مۇنداق بىلدۈردى: دۆلىتىڭلارنىڭ كېرمان ئۆلكىسىدە ئېغىر تېررورلۇق ھۇجۇمى ۋەقەسى يۈزبېرىپ، ئېغىر دەرىجىدە ئادەم ئۆلۈش - يارىلىنىش كۆرۈلگەنلىكىدىن خەۋەر تېپىپ چۆچۈدۈم. مەن جۇڭگو ھۆكۈمىتى ۋە جۇڭگو خەلقىگە ۋاكالىتەن، بەختسىزلىككە ئۇچرىغانلارغا چوڭقۇر تەزىيە بىلدۈرىمەن، يارىلانغانلار ۋە بەختسىزلىككە ئۇچرىغانلارنىڭ ئائىلە تەۋەلىرىدىن سەمىمىي ھال سورايمەن.

　　شى جىنپىڭ مۇنداق تەكىتلىدى: جۇڭگو تەرەپ ھەرقانداق شەكىلدىكى تېررورىزمغا قارشى تۇرىدۇ، تېررورلۇق ھۇجۇمى قىلمىشىنى كۈچلۈك ئەيىبلەيدۇ، ئىراننىڭ دۆلەت خەۋپسىزلىكى، مۇقىملىقىنى قوغداش ئۈچۈن كۆرسەتكەن تىرىشچانلىقىنى قەتئىي قوللايدۇ.