شى جىنپىڭ تېلېگرامما ئەۋەتىپ بىئونىڭ سېررالېئوننىڭ زۇڭتۇڭلۇقىغا ئۇدا سايلانغانلىقىنى تەبرىكلىدى

　　7 - ئاينىڭ 4 - كۈنى، دۆلەت رەئىسى شى جىنپىڭ جۇلىئۇس مائادا بىئوغا تېلېگرامما ئەۋەتىپ، ئۇنىڭ سېررالېئون جۇمھۇرىيىتىنىڭ زۇڭتۇڭلۇقىغا ئۇدا سايلانغانلىقىنى تەبرىكلىدى.

　　شى جىنپىڭ مۇنداق كۆرسەتتى: جۇڭگونىڭ سېررالېئون بىلەن بولغان دوستلۇقى ئۇزاق تارىخقا ئىگە. يېقىنقى يىللاردىن بۇيان، ئىككى دۆلەتنىڭ سىياسىي جەھەتتە ئۆزئارا ئىشىنىشى سىجىل كۈچەيدى، ئەمەلىي ھەمكارلىق نەتىجىلىرى مول بولدى، خەلقئارا ئىشلاردا زىچ ھەمكارلاشتى. مەن جۇڭگو - سېررالېئون مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، زۇڭتۇڭ بىئو بىلەن بىرلىكتە تىرىشىپ، ئۆزئارا قوللاپ، ئىتتىپاقلىشىپ ھەمكارلىشىپ، جۇڭگو - سېررالېئون ئومۇميۈزلۈك ئىستراتېگىيەلىك ھەمكارلىق ھەمراھىلىق مۇناسىۋىتىنى ئۈزلۈكسىز راۋاجلاندۇرۇشقا تۈرتكە بولۇپ، ئىككى دۆلەت خەلقلىرىگە تېخىمۇ ياخشى بەخت يارىتىشنى خالايمەن.