شى جىنپىڭ رىۋاندانىڭ قارا يامغۇر ئاپىتىگە ئۇچرىغانلىقى مۇناسىۋىتى بىلەن رىۋاندا زۇڭتۇڭى كاگامېغا ھال سوراش تېلېگراممىسى ئەۋەتتى

　　5 - ئاينىڭ 8 - كۈنى، دۆلەت رەئىسى شى جىنپىڭ رىۋاندانىڭ قارا يامغۇر ئاپىتىگە ئۇچرىغانلىقى مۇناسىۋىتى بىلەن رىۋاندا زۇڭتۇڭى كاگامېغا ھال سوراش تېلېگراممىسى ئەۋەتتى.

　　شى جىنپىڭ مۇنداق بىلدۈردى: يېقىندا، رىۋاندانىڭ كۆپ جايلىرى قارا يامغۇر ئاپىتىگە ئۇچراپ، ئېغىر، زور ئۆلۈش - يارىلىنىش ۋە مال - مۈلۈك زىيىنى كۆرۈلدى، مەن جۇڭگو ھۆكۈمىتى ۋە جۇڭگو خەلقىگە ۋاكالىتەن، بەختسىزلىككە ئۇچرىغانلارغا چوڭقۇر تەزىيە بىلدۈرىمەن، بەختسىزلىككە ئۇچرىغانلارنىڭ ئائىلە تەۋەلىرىدىن، يارىلانغانلاردىن ۋە ئاپەت يۈزبەرگەن رايوندىكى خەلقتىن سەمىمىي ھال سورايمەن. رىۋاندانىڭ چوقۇم قىيىنچىلىقلارنى يېڭىپ، يۇرت - ماكانىنى قايتا قۇرۇپ چىقالايدىغانلىقىغا ئىشىنىمەن.