شى جىنپىڭ تېلېگرامما ئەۋەتىپ دىئاز - كانېلنىڭ كۇبانىڭ دۆلەت رەئىسلىكىگە ئۇدا سايلانغانلىقىنى تەبرىكلىدى

　　4 - ئاينىڭ 20 - كۈنى، جۇڭگو كوممۇنىستىك پارتىيەسى مەركىزىي كومىتېتىنىڭ باش شۇجىسى، دۆلەت رەئىسى شى جىنپىڭ كۇبا كوممۇنىستىك پارتىيەسى مەركىزىي كومىتېتىنىڭ 1 - شۇجىسى، كۇبا دۆلەت رەئىسى دىئاز - كانېلغا تېلېگرامما ئەۋەتىپ، ئۇنىڭ كۇبانىڭ دۆلەت رەئىسلىكىگە ئۇدا سايلانغانلىقىنى تەبرىكلىدى.

　　شى جىنپىڭ مۇنداق كۆرسەتتى: ھازىر، جۇڭگو - كۇبا مۇناسىۋىتى يۇقىرى سەۋىيەدە ئايلىنىشنى ساقلىدى ھەم ئۈزلۈكسىز يېڭى ئىلگىرىلەشلەرنى قولغا كەلتۈردى. بۇلتۇر 11 - ئايدا، رەئىس دىئاز - كانېلنىڭ جۇڭگوغا بولغان دۆلەت ئىشلىرى زىيارىتى تولۇق مۇۋەپپەقىيەتلىك بولدى، بىز يېڭى دەۋردىكى جۇڭگو - كۇبا ئالاھىدە دوستلۇق مۇناسىۋىتىنى سىجىل چوڭقۇرلاشتۇرۇش توغرىسىدا مۇھىم ئورتاق تونۇش ھاسىل قىلدۇق. مەن جۇڭگو - كۇبا مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، رەئىس دىئاز - كانېل بىلەن قويۇق ئالاقىنى ساقلاپ، ئىككى پارتىيە، ئىككى دۆلەت مۇناسىۋىتىگە بولغان سىياسىي يېتەكچىلىكنى داۋاملىق كۈچەيتىپ، قول تۇتۇشۇپ جۇڭگو - كۇبا تەقدىر ئورتاق گەۋدىسىنى ئورتاق بەرپا قىلىشنى خالايمەن.