خەن جېڭ ئامېرىكا ئىنتېل شىركىتىنىڭ باش ئىجرائىيە ئەمەلدارى پات گېلسىنگېر بىلەن كۆرۈشتى

　　4-ئاينىڭ 12-كۈنى، دۆلەتنىڭ مۇئاۋىن رەئىسى خەن خەن 12-ئاپرېل بېيجىڭدا ئامېرىكا ئىنتېل شىركىتىنىڭ باش ئىجرائىيە ئەمەلدارى پات گېلسىنگېر بىلەن كۆرۈشتى.

　　خەن جېڭ مۇنۇلارنى بىلدۈردى: جۇڭگو ئىسلاھات، ئېچىۋېتىشتىن ئىبارەت تۈپ دۆلەت سىياسىتىدە باشتىن-ئاخىر چىڭ تۇرىدۇ، ئىشىكنى سىرتقا ئېچىۋېتىش دەرۋازىسى بارغانسېرى كېڭىيىدۇ. جۇڭگو چەت ئەل مەبلىغىدىكى كارخانىلارغا بولغان مۇلازىمەتنى ئۈزلۈكسىز ئەلالاشتۇرۇپ، بازارلاشقان، قانۇنچىللاشقان، خەلقئارالاشقان ئالدىنقى قاتاردىكى تىجارەت-سودا مۇھىتىنى تىرىشىپ يارىتىپ، جۇڭگونىڭ تەرەققىيات يېڭى پۇرسىتىدىن ھەر قايسى دۆلەت كارخانىلىرى بىلەن تەڭ بەھرىمەن بولىدۇ. ئىقتىسادنىڭ يەرشارىلىشىشى توسۇپ قالغىلى بولمايدىغان تارىخىي ئېقىم، دۆلەت ھالقىغان شىركەتلەر كەم بولسا بولمايدىغان مۇھىم ھەرىكەتلەندۈرگۈچ كۈچ بولۇش سۈپىتىدە قىيىنچىلىق ۋە خىرىسلارنى يېڭىپ، يەر شارىنىڭ ئىقتىساد-سودا ۋە كەسىپلەرنىڭ ھەمكارلىقىنى تېخىمۇ ياخشى ئىلگىرى سۈرۈشى كېرەك. ئىنتېل شىركىتىنىڭ جۇڭگو بازىرىدا چوڭقۇر يىلتىز تارتىپ، جۇڭگو-ئامېرىكا ئىقتىساد-سودا ھەمكارلىقىنى ئىلگىرى سۈرۈپ، يەر شارى كەسىپ زەنجىرى، تەمىنلەش زەنجىرىنىڭ مۇقىملىقىنى قوغداشقا تۆھپە قوشۇشىنى قارشى ئالىمىز.

　　گېلسىنگېر جۇڭگونىڭ ئىقتىسادىي، ئىجتىمائىي تەرەققىيات نەتىجىلىرىگە يۈكسەك باھا بەردى، جۇڭگو ھۆكۈمىتىنىڭ ئۇزۇندىن بۇيان تىجارەت-سودا مۇھىتىنى داۋاملىق ئەلالاشتۇرۇپ، چەت ئەل سودىگەرلىرىنىڭ مەبلەغ سېلىش ھوقۇق-مەنپەئەتىنى قوغدىغانلىقىغا رەھمەت ئېيتتى ھەمدە ئىنتېل شىركىتىنىڭ جۇڭگو بازىرىنىڭ ئىستىقبالىغا كۆزى يېتىدىغانلىقى، سېلىنمىنى داۋاملىق ئاشۇرۇپ، جۇڭگو بىلەن ھەمكارلىقنى چوڭقۇرلاشتۇرىدىغانلىقىنى بىلدۈردى.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى