«شى جىنپىڭ دىپلوماتىيە نۇتۇقلىرى توپلىمى» ناملىق كىتابنىڭ 1 - تومى، 2 - تومىنىڭ ئىنگلىز تىل - يېزىقى نۇسخىسى نەشر قىلىنىپ تارقىتىلدى

　　جۇڭگو كوممۇنىستىك پارتىيەسى مەركىزىي كومىتېتى پارتىيە تارىخى ۋە ھۆججەت - ئەسەرلەر تەتقىقات يۇرتى تەرجىمە قىلغان «شى جىنپىڭ دىپلوماتىيە نۇتۇقلىرى توپلىمى» ناملىق كىتابنىڭ 1 - تومى، 2 - تومىنىڭ ئىنگلىز تىل - يېزىقى نۇسخىسى يېقىندا مەركىزىي تەھرىرلىك - تەرجىمە نەشرىياتى تەرىپىدىن نەشر قىلىنىپ تارقىتىلدى.

　　«شى جىنپىڭ دىپلوماتىيە نۇتۇقلىرى توپلىمى» ناملىق كىتابنىڭ 1 - تومى، 2 - تومىنى جۇڭگو كوممۇنىستىك پارتىيەسى مەركىزىي كومىتېتى پارتىيە تارىخى ۋە ھۆججەت - ئەسەرلەر تەتقىقات يۇرتى تەھرىرلىگەن، ئۇنىڭغا يولداش شى جىنپىڭنىڭ 2013 - يىلى 3 - ئايدىن 2021 - يىلى 11 - ئايغىچە بولغان مەزگىلدىكى ئالاقىدار مۇھىم قول يازمىسىدىن 136 پارچە كىرگۈزۈلگەن. بۇ كىتابنىڭ ئىنگلىز تىل - يېزىقى نۇسخىسىنىڭ نەشر قىلىنىپ تارقىتىلىشى دۆلەت ئىچى - سىرتىدىكى ئوقۇرمەنلەرنىڭ شى جىنپىڭ دىپلوماتىيە ئىدىيەسىنىڭ مول ئىچكى خاس مەزمۇنىنى چوڭقۇر چۈشىنىش، ئىنسانىيەت تەقدىرى ئورتاق گەۋدىسى بەرپا قىلىش مۇھىم ئىدىيەسى، يېڭى دەۋردىكى جۇڭگوچە چوڭ دۆلەت دىپلوماتىيەسىنىڭ ئۇلۇغ ئەمەلىيىتى ھەمدە جۇڭگو يولى، جۇڭگونىڭ ئىدارە قىلىنىشى، جۇڭگو داۋلىسى قاتارلىقلارنى چوڭقۇر چۈشىنىشىدە ئىنتايىن مۇھىم ئەھمىيەتكە ئىگە.