شى جىنپىڭ خې يىچېڭ بىلەن كۆرۈشتى

　　دۆلەت رەئىسى شى جىنپىڭ 6 - ئاينىڭ 30 - كۈنى چۈشتىن كېيىن شياڭگاڭدا شياڭگاڭنىڭ ۋەتەن قوينىغا قايتۇرۇپ كېلىنگەنلىكىنىڭ 25 يىللىقىنى تەبرىكلەش پائالىيىتىگە قاتنىشىش ئۈچۈن كەلگەن ئاۋمېن ئالاھىدە مەمۇرىي رايونىنىڭ باش مەمۇرى خې يىچېڭ بىلەن كۆرۈشتى.

　　شى جىنپىڭ مۇنداق كۆرسەتتى: مەركەز سىز ۋە ئالاھىدە مەمۇرىي رايون ھۆكۈمىتىنىڭ خىزمىتىنى تولۇق مۇئەييەنلەشتۈرىدۇ، سىلەرنىڭ مۇقىملىق ئاساسىدا ئىلگىرىلەشتە چىڭ تۇرۇپ، يۇقۇمنىڭ ئالدىنى ئېلىش - تىزگىنلەشنى قىلچە بوشاشتۇرماي، خەلقنىڭ قىيىنچىلىقىنى سىجىل، ئۈنۈملۈك ھەل قىلىپ، ئىقتىسادنىڭ جانلىنىشىنى تىرىشىپ ئىلگىرى سۈرۈپ، ئىقتىسادنىڭ مۇۋاپىق، كۆپ مەنبەلىك تەرەققىياتىغا قەتئىي تۈرتكە بولۇپ، جەمئىيەت ئومۇمىي ۋەزىيىتىنىڭ مۇقىملىقىنى پۈتۈن كۈچ بىلەن قوغدىشىڭلارنى ئۈمىد قىلىمەن.

　　خې يىچېڭ رەئىس شى جىنپىڭنىڭ قوبۇل قىلغانلىقىغا رەھمەت ئېيتتى، ھەرقايسى جەھەتلەردىكى خىزمەتلەرنى تىرىشىپ ياخشى ئىشلەپ، ئاۋمېننىڭ ياخشى تەرەققىيات ۋەزىيىتىنى قەتئىي قوغدايدىغانلىقىنى بىلدۈردى.

　　دىڭ شۆشياڭ، شيا باۋلۇڭ كۆرۈشۈشكە قاتناشتى.