شى جىنپىڭ گىۋىيانا زۇڭتۇڭى ئالى بىلەن ئىككى دۆلەت دىپلوماتىك مۇناسىۋەت ئورناتقانلىقىنىڭ 50 يىللىقى مۇناسىۋىتى بىلەن ئۆزئارا تەبرىك تېلېگراممىسى يوللاشتى

　　خەلق تورى ئۇيغۇرچە قانىلىنىڭ 6-ئاينىڭ 28-كۈنى بېيجىڭدىن بەرگەن تېلېگراممىسى: دۆلەت رەئىسى شى جىنپىڭ 6-ئاينىڭ 27-كۈنى گىۋىيانا ھەمكارلىق جۇمھۇرىيىتىنىڭ زۇڭتۇڭى ئالى بىلەن ئۆزئارا تەبرىك تېلېگراممىسى يوللىشىپ، ئىككى دۆلەت دىپلوماتىك مۇناسىۋەت ئورناتقانلىقىنىڭ 50 يىللىقىنى تەبرىكلىدى.

　　شى جىنپىڭ مۇنداق دەپ كۆرسەتتى: دىپلوماتىك مۇناسىۋەت ئورناتقان 50 يىلدىن بۇيان، جۇڭگو-گىۋىيانا مۇناسىۋىتى تېز راۋاجلاندى، ئىككى تەرەپنىڭ سىياسىيدىكى ئۆزئارا ئىشىنىشى كۈنسايىن چوڭقۇرلىشىپ، ئەمەلىي ھەمكارلىق ئۈنۈمى كۆرۈنەرلىك بولدى. يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇمى پەيدا بولغاندىن بۇيان، ئىككى دۆلەت خەلقى جاپا-مۇشەققەتتە ھەمدەم بولۇپ، ئۆزئارا ياردەم بېرىپ، جۇڭگو-گىۋىيانا دوستلۇقىنىڭ يېڭى سەھىپىسىنى ئاچتى. مەن جۇڭگو-گىۋىيانا مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، زۇڭتۇڭ ئالى بىلەن بىرلىكتە تىرىشىپ، ئىككى دۆلەت دىپلوماتىك مۇناسىۋەت ئورناتقانلىقىنىڭ 50 يىللىقىنى پۇرسەت بىلىپ، جۇڭگو-گىۋىيانا مۇناسىۋىتىنىڭ ئۈزلۈكسىز يېڭى سەۋىيەگە يېتىشىگە تۈرتكە بولۇپ، ئىككى دۆلەت ۋە ئىككى دۆلەت خەلقىگە بەخت يارىتىشنى خالايمەن.

　　ئالى مۇنۇلارنى بىلدۈردى: گىۋىيانا كارىب رايونىدىكى ئىنگلىز تىللىق دۆلەت، جۇڭگو بىلەن ئالدىن دىپلوماتىك مۇناسىۋەت ئورناتقاندىن بۇيان، بىر جۇڭگو سىياسىتىگە قەتئىي ئەمەل قىلىپ كەلدى. 50 يىلدىن بۇيان، ئىككى دۆلەت باشتىن-ئاخىر ئۆزئارا ھۆرمەتلىشىپ، باراۋەرلىكتە ئۆزئارا نەپ يەتكۈزۈپ كەلدى، ئەنئەنىۋى دوستلۇق مۇناسىۋىتى ۋاقىتنىڭ سىنىقىغا بەرداشلىق بەردى. گىۋىيانا ئىككى دۆلەت دىپلوماتىك مۇناسىۋەت ئورناتقانلىقىنىڭ 50 يىللىقىنى پۇرسەت بىلىپ، ئىككى دۆلەت دوستلۇقىنى ئۈزلۈكسىز چوڭقۇرلاشتۇرۇشنى خالايدۇ.

　　كۆرۈپ بېكىتكۈچى: ياسىن قادىر

　　مەنبە: خەلق تورى