3- ئاينىڭ 5- كۈنى زۇڭلى لى كېچياڭ ھۆكۈمەت خىزمىتىدىن دوكلات بەردى، ئۇنىڭ مۇھىم نۇقتىلىرى تۆۋەندىكىچە :
1. بۇلتۇرقى خىزمەتلەرگە نەزەر
ئىچكى ئىشلەپچىقىرىش ئومۇمىي قىممىتى %8.1 ئاشتى
ئاھالىلەرنىڭ ئىلكىدىكى ئوتتۇرىچە كىرىمى ئەمەلىيەتتە %8.1 ئاشتى
شەھەر-بازارلاردا 12 مىليون 690 مىڭ ئادەم يېڭىدىن ئىشقا ئورۇنلاشتى
يېڭىدىن كۆپەيگەن كېمەيتىلگەن باج، تۆۋەنلىتىلگەن ھەق سوممىسى 1 تىرىليون يۈەندىن ئاشتى
پۈتۈن مۇساپىلىق ۋاكسىنا ئەملەشنىڭ قاپلاش نىسبىتى %85 تىن ئاشتى
2. بۇ يىلقى ئاساسلىق كۆزلىمە نىشان
ئىچكى ئىشلەپچىقىرىش ئومۇمىي قىممىتىنى %5.5 ئەتراپىدا ئاشۇرۇش
شەھەر- بازارلاردا 11 مىليوندىن ئارتۇق ئادەمنى يېڭىدىن ئىشقا ئورۇنلاشتۇرۇش
ئاھالە ئىستېمال باھاسىنىڭ ئۆسۈش نىسبىتىنى %3 ئەتراپىدا ئاشۇرۇش
ئاشلىق مەھسۇلات مىقدارى 1 تىرىليون 300 مىليارد جىڭدىن يۇقىرى بولۇشنى ساقلاپ قېلىش
3. بۇ يىلقى قىسمەن نۇقتىلىق خىزمەتلەر
مالىيە: بۇ يىل قىزىل رەقەم نىسبىتى %2.8 ئەتراپىدا ئورۇنلاشتۇرۇلىدۇ، مەركەزنىڭ جايلارغا قىلىدىغان يۆتكىمە چىقىمى تەخمىنەن 1 تىرىليون 500 مىليارد يۈەن كۆپىيىدۇ، كۆلىمى 9 تىرىليون 800 مىليارد يۈەنگە يېقىنلىشىدۇ
ھۆكۈمەت سېلىنمىسى: بۇ يىل 3 تىرىليون 650 مىليارد يۈەن يەرلىك ھۆكۈمەت مەخسۇس زايومى ئورۇنلاشتۇرۇلىدۇ
باج كېمەيتىش: مۆلچەرلىنىشىچە، پۈتۈن يىلدا 2 تىرىليون 500 مىليارد يۈەن باج كېمەيتىلىدۇ، قايتۇرۇلىدۇ، بۇنىڭ ئىچىدە قايتۇرۇلىدىغان باج سوممىسى 1 تىرىليون 500 مىليارد يۈەنگە يېتىدۇ
ئىشقا ئورۇنلىشىش: 100 مىليارد يۈەن ئىشسىزلىق سۇغۇرتىسى فوندى ئارقىلىق ئىش ئورنىنى مۇقىملاشتۇرۇش ۋە تەربىيەلەشكە مەدەت بېرىلىدۇ
ھۆكۈمەت ئىشلىرى مۇلازىمىتى: «ئۆلكە ھالقىپ بىر تۇتاش بېجىرىش» دائىرىسى كېڭەيتىلىپ، ئېلېكتىرونلۇق كىنىشكا ئۆزئارا ئالماشتۇرۇش، ئۆزئارا ئېتىراپ قىلىش ئاساسىي جەھەتتىن ئىشقا ئاشۇرۇلىدۇ
ئىستېمال: يېڭى ئېنېرگىيەلىك ئاپتوموبىل ئىستېمالىنى داۋاملىق قوللاپ، يەرلىكنىڭ يېشىل، ئەقلىي ئىقتىدارلىق ئائىلە ئېلېكتىر سايمانلىرىنى يېزىلارغا يەتكۈزۈش ۋە كونىنى يېڭىغا ئالماشتۇرۇشنى قانات يايدۇرۇشىغا ئىلھام بېرىلىدۇ
يېڭىلىق يارىتىش: ئۇل تەتقىقاتنىڭ ئون يىللىق يىرىك پىلانىنى يولغا قويۇپ، پەن-تېخنىكا تۈزۈلمىسى ئىسلاھاتىنىڭ ئۈچ يىللىق ئۆتكەلگە ھۇجۇم قىلىش لايىھەسى يولغا قويۇلىدۇ
يېزا-كەنتلەرنى گۈللەندۈرۈش: نامراتلىقتىن قۇتۇلدۇرۇش بويىچە رايونلارنىڭ خاس كەسىپلەرنى تەرەققىي قىلدۇرۇشىغا مەدەت بېرىپ، يېزا - كەنت قۇرۇلۇشى ھەرىكىتى باشلىنىدۇ
ئېچىۋېتىش: تېخىمۇ كۆپ دۆلەت ۋە رايونلار بىلەن يۇقىرى ئۆلچەملىك ئەركىن سودا كېلىشىمى ئىمزالاشقا تۈرتكە بولىدۇ
مۇھىت ئاسراش: ئېنېرگىيە، سۇ تېجەش، كېرەكسىز، كونا ماددىي ئەشيالاردىن ئايلانما پايدىلىنىش قاتارلىق مۇھىت ئاسراش كەسىپلىرىنى قوللاش سىياسىتى مۇكەممەللەشتۈرۈلىدۇ
مائارىپ: مەجبۇرىيەت مائارىپى باسقۇچىدىكى يۈكنى يېنىكلىتىش خىزمىتى داۋاملىق ياخشى ئىشلىنىدۇ
داۋالىنىش سۇغۇرتىسى: ئاھالىلەرنىڭ داۋالىنىش سۇغۇرتىسى ۋە ئاساسىي جامائەت سەھىيە مۇلازىمىتى خىراجىتىنىڭ كىشى بېشىغا توغرا كېلىدىغان مالىيە ياردەم پۇلى ئۆلچىمى ئايرىم-ئايرىم ھالدا يەنە 30 يۈەن ۋە بەش يۈەن ئۆستۈرۈلىدۇ
ئىجتىمائىي كاپالەت: ئۈچ پەرزەنتلىك بولۇش سىياسىتىنىڭ يانداش تەدبىرلىرىنى مۇكەممەللەشتۈرۈپ، ئومۇم مەنپەئەتدارلىقى ھاۋالىلىك تەربىيەلەش مۇلازىمىتى راۋاجلاندۇرۇلىدۇتۇرالغۇ: يېڭى تەرەققىيات ئەندىزىسى ئۈستىدە ئىزدىنىپ، ئۇزۇن مۇددەتلىك ئىجارە بازىرى تەرەققىياتىنى تېزلىتىپ، كاپالەتلىك تۇرالغۇ قۇرۇلۇشى ئىلگىرى سۈرۈلىدۇ
مەدەنىيەت ۋە تەنتەربىيە: ئاممىنىڭ ئەتراپىدىكى تەنتەربىيە مەيدانى ئەسلىھەلىرى قۇرۇلىدۇ
شياڭگاڭ، ئاۋمېن، تەيۋەن: شياڭگاڭ، ئاۋمېننىڭ ئىقتىسادنى تەرەققىي قىلدۇرۇشى، خەلق تۇرمۇشىنى ياخشىلىشىنى قوللاپ، «تەيۋەن مۇستەقىللىقى» بۆلگۈنچىلىك قىلمىشلىرىغا قەتئىي قارشى تۇرۇلىدۇ
كۆرۈپ بېكىتكۈچى: تۇرغۇن ئابلىز
مەنبە: خەلق تورى