12 ـ ئاينىڭ 11 ـ كۈنى، دۆلەت رەئىسى شى جىنپىڭ 2021 ـ يىللىق چوڭ قولتۇق رايونى ئىلىم ـ پەن مۇنبىرىگە تەبرىك خېتى ئەۋەتتى.
شى جىنپىڭ مۇنداق كۆرسەتتى: بۈگۈنكى دۇنيا 100 يىلدىمۇ بولۇپ باقمىغان چوڭ ئۆزگىرىش ۋەزىيىتىنى باشتىن كەچۈرمەكتە، يەر شارىۋى پەن ـ تېخنىكىدا يېڭىلىق يارىتىش كۆجۈملىشىش، جانلىنىش مەزگىلىگە كىردى، يېڭى بىر نۆۋەتلىك پەن ـ تېخنىكا ئىنقىلابى ۋە كەسىپ ئۆزگىرىشى يەر شارىۋى ئىقتىساد قۇرۇلمىسىغا چوڭقۇر تەسىر كۆرسەتتى. گۇاڭدۇڭ ـ شياڭگاڭ ـ ئاۋمېن چوڭ قولتۇق رايونى خەلقئارا پەن ـ تېخنىكىدا يېڭىلىق يارىتىش مەركىزى قۇرۇشتىن ئىبارەت ئىستراتېگىيەلىك ئورۇن بەلگىلەشنى چۆرىدەپ، يەر شارىۋى پەن ـ تېخنىكىدا يېڭىلىق يارىتىش ئېگىزلىكىنى تىرىشىپ بەرپا قىلىپ، يېڭىدىن گۈللىنىۋاتقان كەسىپلەرنىڭ تەرەققىياتىغا تۈرتكە بولۇشى كېرەك. جۇڭگو دۇنيادىكى ھەرقايسى دۆلەت ئالىملىرى، خەلقئارا پەن ـ تېخنىكا تەشكىلاتلىرى بىلەن بىرلىكتە، خەلقئارا پەن ـ تېخنىكا ئالاقىسى، ھەمكارلىقىنى قويۇقلاشتۇرۇپ، مۇھىم، زور ئىلىم ـ پەن مەسىلىلىرى تەتقىقاتىنى كۈچەيتىپ، ئورتاقلىققا ئىگە پەن ـ تېخنىكىدا بۆسۈش ھاسىل قىلىشنى ئىلگىرى سۈرۈپ، نۇقتىلىق ئىلىم ـ پەن تۈرلىرى ھەمكارلىقىنى چوڭقۇرلاشتۇرۇپ، دۇنيا ئىلىم ـ پەن ئىشلىرىنىڭ تەرەققىياتىنى ئورتاق ئالغا سىلجىتىپ، ئىنسانىيەتكە تېخىمۇ ياخشى بەخت يارىتىشنى خالايدۇ.
2021 ـ يىللىق چوڭ قولتۇق رايونى ئىلىم ـ پەن مۇنبىرى شۇ كۈنى گۇاڭدۇڭ ئۆلكىسىنىڭ گۇاڭجوۋ شەھىرىدە ئېچىلدى، باش تېمىسى «كەلگۈسى ئۈستىدە ئىزدىنىپ، ئىلىم ـ پەندىن ئورتاق بەھرىلىنىش» بولۇپ، گۇاڭدۇڭ ئۆلكىلىك خەلق ھۆكۈمىتى مەسئۇل بولۇپ ئۆتكۈزدى.
مەنبە: خەلق تورى
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ