شى جىنپىڭ 4 - نۆۋەتلىك دۇنيا تاراتقۇلار ئۇچرىشىش يىغىنىغا تەبرىك خېتى ئەۋەتتى

　　11 - ئاينىڭ 22 - كۈنى، دۆلەت رەئىسى شى جىنپىڭ 4 - نۆۋەتلىك دۇنيا تاراتقۇلار ئۇچرىشىش يىغىنىغا تەبرىك خېتى ئەۋەتتى.

　　شى جىنپىڭ مۇنۇلارنى تەكىتلىدى: ھازىر، دۇنيادا 100 يىلدىمۇ بولۇپ باقمىغان چوڭ ئۆزگىرىش ۋەزىيىتى ۋە يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇمىنىڭ پۈتۈن يەر شارىدا كەڭ تارقىلىشى ئۆزئارا گىرەلىشىپ، بىر - بىرىگە تەسىر كۆرسەتمەكتە، خەلقئارا ئەندىزىنىڭ ئۆزگىرىشى چوڭقۇر، مۇرەككەپ بولماقتا. قانداق قىلىپ دەۋر تېمىسىغا توغرا جاۋاب بېرىپ، دۇنياۋى ئورتاق تونۇشنى كەڭ دائىرىدە مۇجەسسەملەشتە، تاراتقۇلار مۇھىم ئىجتىمائىي مەسئۇلىيەتنى زىممىسىگە ئالغان. يىغىنغا قاتناشقان ئەزىز مېھمانلارنىڭ ئۇچرىشىش يىغىنىنىڭ باش تېمىسىنى چۆرىدەپ چوڭقۇر مۇھاكىمە قىلىپ، ئورتاق تونۇشنى ئىلگىرى سۈرۈپ، تىرىشىپ خەلق رىشتىنى تۇتاشتۇرىدىغان تارقاتقۇچىلاردىن، ئادىمىيەت ئالاقىسىنى ئىلگىرى سۈرگۈچىلەردىن بولۇپ، پۈتكۈل ئىنسانىيەتنىڭ ئورتاق قىممىتىنى ئەۋج ئالدۇرۇش، ئىنسانىيەت تەقدىرى ئورتاق گەۋدىسى بەرپا قىلىشقا تۈرتكە بولۇش ئۈچۈن تېگىشلىك تۆھپە قوشۇشىنى ئۈمىد قىلىمەن.

　　4 - نۆۋەتلىك دۇنيا تاراتقۇلار ئۇچرىشىش يىغىنى شۇ كۈنى بېيجىڭدا ئېچىلدى، باش تېمىسى «يۇقۇم زەربىسى شارائىتىدىكى تاراتقۇلارنىڭ تەرەققىيات ئىستراتېگىيەسى» بولۇپ، شىنخۇا ئاگېنتلىقى مەسئۇل بولۇپ ئۆتكۈزدى.