شى جىنپىڭ تېلېگرامما ئەۋەتىپ ئەنتيەن ۋېنشيۇڭنىڭ ياپونىيە باش ۋەزىرلىكىگە سايلانغانلىقىنى تەبرىكلىدى

　　10 - ئاينىڭ 4 - كۈنى، دۆلەت رەئىسى شى جىنپىڭ ئەنتيەن ۋېنشيۇڭغا تېلېگرامما ئەۋەتىپ، ئۇنىڭ ياپونىيە باش ۋەزىرلىكىگە سايلانغانلىقىنى تەبرىكلىدى.

　　شى جىنپىڭ مۇنۇلارنى كۆرسەتتى: جۇڭگو بىلەن ياپونىيەنى بىرلا سۇ ئايرىپ تۇرىدۇ، جۇڭگو - ياپونىيەنىڭ ئىناق قوشنىدارچىلىق، دوستانە ھەمكارلىق مۇناسىۋىتىنى تەرەققىي قىلدۇرۇش ئىككى دۆلەت ۋە ئىككى دۆلەت خەلقلىرىنىڭ تۈپ مەنپەئىتىگە ئۇيغۇن، شۇنداقلا ئاسىيا ۋە دۇنيانىڭ تىنچلىقى، مۇقىملىقى، گۈللىنىشىگىمۇ پايدىلىق. جۇڭگو - ياپونىيە ئىككى تەرەپ جۇڭگو - ياپونىيە تۆت سىياسىي ھۆججىتىدە ئورنىتىلغان تۈرلۈك پىرىنسىپلارغا قاتتىق رىئايە قىلىپ، سۆزلىشىش - پىكىر ئالماشتۇرۇشنى كۈچەيتىپ، ئۆزئارا ئىشىنىش، ھەمكارلىشىشنى ئىلگىرى سۈرۈپ، يېڭى دەۋرنىڭ تەلىپىگە ئۇيغۇن كېلىدىغان جۇڭگو - ياپونىيە مۇناسىۋىتىنى تىرىشىپ بەرپا قىلىشى كېرەك.

　　شۇ كۈنى، گوۋۇيۈەن زۇڭلىسى لى كېچياڭ تېلېگرامما ئەۋەتىپ ئەنتيەن ۋېنشيۇڭنىڭ ياپونىيە باش ۋەزىرلىكىگە سايلانغانلىقىنى تەبرىكلىدى، ئۇ مۇنداق بىلدۈردى: ئىككى تەرەپ سىياسىي ئورتاق تونۇشنى قوغداپ، ئالماشتۇرۇش، ھەمكارلىشىشنى كۈچەيتىپ، ئىككى دۆلەت مۇناسىۋىتىنىڭ توغرا يولنى بويلاپ ساغلام، مۇقىم تەرەققىي قىلىشىغا تۈرتكە بولۇپ، كېلەر يىلى جۇڭگو - ياپونىيە دىپلوماتىك مۇناسىۋىتىنىڭ نورماللاشقانلىقىنىڭ 50 يىللىقىنى ئورتاق كۈتۈۋېلىشى كېرەك.