جۇڭگو كوممۇنىستىك پارتىيەسى مەركىزىي كومىتېتىنىڭ باش شۇجىسى شى جىنپىڭ تەبرىك تېلېگراممىسى ئەۋەتىپ جۇ لىلۇننىڭ جۇڭگو گومىنداڭ پارتىيەسىنىڭ رەئىسلىكىگە سايلانغانلىقىنى تەبرىكلىدى

　　جۇڭگو كوممۇنىستىك پارتىيەسى مەركىزىي كومىتېتىنىڭ باش شۇجىسى شى جىنپىڭ 9 - ئاينىڭ 26 - كۈنى جۇ لىلۇنگە تېلېگرامما ئەۋەتىپ، ئۇنىڭ جۇڭگو گومىنداڭ پارتىيەسىنىڭ رەئىسلىكىگە سايلانغانلىقىنى تەبرىكلىدى، ئۇ مۇنداق كۆرسەتتى: ئۆتكەن بىر مەزگىلدە، ئىككى پارتىيە «92 - يىلدىكى ئورتاق تونۇش»تا چىڭ تۇرۇپ، «تەيۋەن مۇستەقىللىقى»گە قارشى تۇرۇشتىن ئىبارەت ئورتاق سىياسىي ئاساستا ياخشى ھەمتۈرتكە بولۇپ، ئىككى قىرغاق مۇناسىۋىتىنىڭ تىنچ تەرەققىي قىلىشىغا تۈرتكە بولۇپ، ئىككى قىرغاقتىكى قېرىنداشلارغا بەخت ياراتتى، بۇنىڭ نەتىجە - ئۈنۈمى ھەممىگە ئايان. ئىككى پارتىيەنىڭ ئېگىزدە تۇرۇپ يىراققا نەزەر سېلىپ، ئورتاق سىياسىي ئاساستا چىڭ تۇرۇپ، مىللەتنىڭ ھەققانىيەت ئىشلىرىنى قەتئىي قوغداپ، تەڭ كۈچ چىقىرىپ ھەمكارلىشىپ، قېرىنداشلارنىڭ بەخت - سائادىتىنى كۆزلىشىنى، تەيۋەن بوغۇزىنىڭ تىنچلىقىنى كۆزلىشىنى، دۆلەتنىڭ بىرلىكىنى كۆزلىشىنى، مىللەتنى گۈللەندۈرۈشنى كۆزلىشىنى ئۈمىد قىلىمەن.

　　شۇ كۈنى، يېڭىدىن سايلانغان جۇڭگو گومىنداڭ پارتىيەسىنىڭ رەئىسى جۇ لىلۇن تېلېگرامما قايتۇرۇپ، باش شۇجى شى جىنپىڭغا رەھمەت ئېيتتى. ئۇ مۇنداق بىلدۈردى: ئىككى قىرغاقتىكى خەلق يەندى - خۇاڭدى ئەۋلادلىرى، بۇنىڭدىن كېيىن ئىككى پارتىيەنىڭ «92 - يىلدىكى ئورتاق تونۇش» ئاساسىدا، «تەيۋەن مۇستەقىللىقى»غا قارشى تۇرۇش ئاساسىدا، ئۆزئارا ئىشىنىش، سىڭىشىشنى ئىلگىرى سۈرۈپ، ئالماشتۇرۇش ۋە ھەمكارلىشىشنى كۈچەيتىپ، ئىككى قىرغاق مۇناسىۋىتىنىڭ تىنچ تەرەققىياتىنى داۋاملىق ئالغا سىلجىتىپ، ئىككى قىرغاقتىكى خەلق ئاممىسىغا ئورتاق بەخت يارىتىپ، تەيۋەن بوغۇزىنىڭ تىنچلىقى ۋە مۇقىملىقىنى ئىلگىرى سۈرۈشىنى ئۈمىد قىلىمەن.

　　مەنبە: خەلق تورى