شى جىنپىڭ دۇتېرتقا ھال سوراش تېلېگراممىسى يوللىدى​

　　خەلق تورى ئۇيغۇرچە قانىلىنىڭ 7- ئىيۇل بېيجىڭدىن بەرگەن تېلېگراممىسى: شى جىنپىڭ فىلىپپىننىڭ ھەربىي تىرانسپورت ئايروپىلانىنىڭ چۈشۈپ كەتكەنلىكى مۇناسىۋىتى بىلەن فىلىپپىن زۇڭتۇڭى دۇتېرتقا ھال سوراش تېلېگراممىسى يوللىدى.

　　دۆلەت رەئىسى شى جىنپىڭ 6-ئىيۇل فىلىپپىننىڭ بىر ھەربىي تىرانسپورت ئايروپىلانىنىڭ چۈشۈپ كەتكەنلىكى مۇناسىۋىتى بىلەن فىلىپپىن زۇڭتۇڭى دۇتېرتقا ھال سوراش تېلېگراممىسى يوللىدى. شى جىنپىڭ ھال سوراش تېلېگراممىسىدا مۇنۇلارنى بىلدۈردى: فىلىپپىننىڭ بىر ھەربىي ئايروپىلانى قونۇۋاتقاندا بەختكە قارشى چۈشۈپ كېتىپ، ئېغىر ئۆلۈم-يېتىم بولغانلىقىدىن خەۋەر تېپىپ قاتتىق چۆچۈدۈم، مەن جۇڭگو ھۆكۈمىتى ۋە جۇڭگو خەلقىگە ۋاكالىتەن قازا قىلغانلارغا تەزىيە بىلدۈرىمەن، يارىلانغانلار ۋە قازا قىلغانلارنىڭ ئائىلە تەۋەلىرىدىن ھال سورايمەن.

　　مەنبە: خەلق تورى