شى جىنپىڭ پورتۇگالىيەنىڭ زۇڭتۇڭلۇقىغا ئۇدا سايلانغان دې سوساغا تەبرىك تېلېگراممىسى ئەۋەتتى

　　خەلق تورى ئۇيغۇرچە قانىلىنىڭ 29-يانۋار بېيجىڭدىن بەرگەن تېلېگراممىسى: دۆلەت رەئىسى شى جىنپىڭ 1-ئاينىڭ 27-كۈنى زۇڭتۇڭ مارسېلو دې سوساغا تېلېگرامما ئەۋەتىپ، ئۇنىڭ پورتۇگالىيە جۇمھۇرىيىتىنىڭ زۇڭتۇڭلۇقىغا ئۇدا سايلانغانلىقىنى تەبرىكلىدى.

　　شى جىنپىڭ تەبرىك تېلېگراممىسىدا مۇنۇلارنى كۆرسەتتى: بۇلتۇردىن بۇيان، جۇڭگو-پورتۇگالىيە مۇناسىۋىتى يۇقۇمنىڭ سىنىقىنى باشتىن كەچۈرۈپ، ئەنئەنىۋى دوستلۇقى يېڭى ھاياتىي كۈچىنى نامايان قىلدى، يۇقۇمغا تاقابىل تۇرۇش بويىچە سەھىيە ھەمكارلىقىدا يېڭى قەدەم تاشلاندى، ئەمەلىي ھەمكارلىقتا داۋاملىق يېڭى ئىلگىرىلەش بولدى. مەن جۇڭگو-پورتۇگالىيە مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، زۇڭتۇڭ دې سوسا بىلەن بىرلىكتە تىرىشىپ، جۇڭگو-پورتۇگالىيە مۇناسىۋىتىدە ئۈزلۈكسىز يېڭى نەتىجىلەرنى قولغا كەلتۈرۈشكە تۈرتكە بولۇپ، ئىككى دۆلەت ۋە ئىككى دۆلەت خەلقلىرىگە بەخت يارىتىشنى خالايمەن.

　　كۆرۈپ بېكىتكۈچى: ياسىن قادىر

　　مەنبە: خەلق تورى