شى جىنپىڭ ئارگېنتىنا زۇڭتۇڭى فېرناندېس بىلەن تېلېفونلاشتى
2020.09.30 18:03 مەنبە: خەلق تورى
خەلق تورى ئۇيغۇرچە قانىلىنىڭ 30- سېنتەبىر بېيجىڭدىن بەرگەن تېلېگراممىسى: دۆلەت رەئىسى شى جىنپىڭ 29-سېنتەبىر كەچتە ئارگېنتىنا زۇڭتۇڭى فېرناندېس بىلەن تېلېفونلاشتى.
شى جىنپىڭ مۇنۇلارنى كۆرسەتتى: يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇمى پۈتۈن دۇنيا ئۈچۈن بىر قاتتىق سىناق بولدى. يۇقۇم ئەھۋالى ئالدىدا، جۇڭگو ۋە ئارگېنتىنا ھۆكۈمەتلىرى خەلقنى ھەممىدىن ئەلا بىلىش ۋە ھاياتنى ھەممىدىن ئەلا بىلىشتە چىڭ تۇرۇپ، خەلقنىڭ ھاياتىي بىخەتەرلىكى ۋە تەن ساغلاملىقىنى بىرىنچى ئورۇنغا قويدى. ئىككى دۆلەت جاپا-مۇشەققەتتە ھەمدەم بولۇپ، ئۆز-ئارا بىرلىشىپ تۇرۇپ قوغداندى. جۇڭگو ئارگېنتىنا تەرەپنى كۈچىنىڭ يېتىشىچە ياردەم بىلەن تەمىنلەپ، ئارگېنتىنا بىلەن ۋاكسىنا ھەمكارلىقىنى چوڭقۇرلاشتۇرۇشنى خالايدۇ. جۇڭگو ئارگېنتىنانى ئۆز ئىچىگە ئالغان خەلقئارا جەمئىيەت بىلەن بىرلىكتە، دۇنيا سەھىيە تەشكىلاتىنىڭ رەھبەرلىك رولىنى جارى قىلدۇرۇشىنى قەتئىي قوللاپ، يۇقۇمنى بالدۇرراق يېڭىپ، ئىنسانىيەتنىڭ سەھىيە-ساغلاملىق ئورتاق گەۋدىسى بەرپا قىلىشنى ئورتاق ئىلگىرى سۈرۈشنى ئۈمىد قىلىدۇ.
مەنبە: خەلق تورى
مەسئۇل مۇھەررىر : ئالىم راخمان
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ