توغرا سىياسىي يۆنىلىشتە چىڭ تۇرۇپ پارتىيە ۋە دۆلەتنىڭ خىزمەت ئومۇمىيىتىگە مۇلازىمەت قىلىش، يەنئەن روھىنى چوڭقۇر تەتقىق قىلىش، زور كۈچ بىلەن تەشۋىق قىلىش، ئەستايىدىل ئەمەلىيەتتە كۆرسىتىش لازىم

　　خەلق تورى ئۇيغۇرچە قانىلىنىڭ 21- سېنتەبىر بېيجىڭدىن بەرگەن تېلېگراممىسى: جۇڭگو يەنئەن روھى تەتقىقات جەمئىيىتىنىڭ 6-قېتىملىق ئەزالار يىغىنى 19-سېنتەبىر بېيجىڭدا ئېچىلدى، ج ك پ مەركىزىي كومىتېتىنىڭ باش شۇجىسى، دۆلەت رەئىسى، مەركىزىي ھەربىي كومىتېتنىڭ رەئىسى شى جىنپىڭ تەبرىك خېتى ئەۋەتىپ، يىغىننىڭ ئېچىلغانلىقى ۋە تەتقىقات جەمئىيىتى قۇرۇلغانلىقىنىڭ 30 يىللىقىنى قىزغىن تەبرىكلىدى، يەنئەن روھىنى جارى قىلدۇرۇشقا كۈچ چىقارغان بارلىق يولداشلاردىن سەمىمىي ھال سورىدى.

　　شى جىنپىڭ تەبرىك خېتىدە مۇنداق كۆرسەتتى: يەنئەن − جۇڭگو ئىنقىلابىنىڭ مۇقەددەس جايى، پېشقەدەم ئىنقىلابچىلار ۋە پېشقەدەم كوممۇنىستلارنىڭ يەنئەندىكى مەزگىلىدە يېتىلدۈرگەن يەنئەن روھى پارتىيەمىزنىڭ قىممەتلىك مەنىۋى بايلىقىدۇر. يولداشلارنىڭ يېڭى تارىخىي شارائىتتا توغرا سىياسىي يۆنىلىشتە چىڭ تۇرۇپ، پارتىيە ۋە دۆلەتنىڭ خىزمەت ئومۇمىيىتىگە مۇلازىمەت قىلىپ، يەنئەن روھىنى چوڭقۇر تەتقىق قىلىپ، زور كۈچ بىلەن تەشۋىق قىلىپ، ئەستايىدىل ئەمەلىيەتتىن ئۆتكۈزۈپ، ئومۇميۈزلۈك ھاللىق جەمئىيەت قۇرۇپ چىقىش، ۋەزىيەتكە قاراپ ئومۇميۈزلۈك سوتسىيالىستىك زامانىۋىلاشقان دۆلەت قۇرۇش يېڭى مۇساپىسىنى باشلاشنى كۈچلۈك مەنىۋى ھەرىكەتلەندۈرگۈچ كۈچ بىلەن تەمىنلىشىنى ئۈمىد قىلىمەن. (تەبرىك خېتىنىڭ تولۇق تېكىستى ئايرىم تارقىتىلدى)

　　جۇڭگو يەنئەن روھى تەتقىقات جەمئىيىتى 1990-يىلى 5-ئايدا قۇرۇلغان، يەنئەن روھىنى ئۆگىنىش، تەتقىق قىلىش، تەشۋىق قىلىشنى مەركىزىي ۋەزىپە قىلىپ، 30 يىلدىن بۇيان يەنئەن روھىنى جارى قىلدۇرۇشقا پائال تۆھپە قوشتى.

　　كۆرۈپ بېكىتكۈچى: ياسىن قادىر

　　مەنبە: خەلق تورى