لى كېچياڭ تېلېگرامما ئەۋەتىپ لى شيەنلۇڭنىڭ سىنگاپور جۇمھۇرىيىتىنىڭ زۇڭلىسى بولغانلىقىنى تەبرىكلىدى
2020.07.29 16:30 مەنبە: خەلق تورى
خەلق تورى ئۇيغۇرچە قانىلىنىڭ 29- ئىيۇل بېيجىڭدىن بەرگەن تېلېگراممىسى: گوۋۇيۈەن زۇڭلىسى لى كېچياڭ 28- چېسلا لى شيەنلۇڭغا تېلېگرامما ئەۋەتتى، ئۇنىڭ سىنگاپور جۇمھۇرىيىتىنىڭ زۇڭلىسى بولغانلىقىنى تەبرىكلىدى.
لى كېچياڭ تەبرىك تېلېگراممىسىدا مۇنۇلارنى بىلدۈردى: زۇڭلى لى شيەنلۇڭنىڭ رەھبەرلىكىدە، سىنگاپور ئىقتىسادى ئۇزاققىچە ياخشى تەرەققىيات ۋەزىيىتىنى ساقلاپ كەلدى. سىنگاپور ھۆكۈمىتى يېڭى تاجسىمان ۋىرۇسلۇق ئۆپكە ياللۇغى يۇقۇمى ئالدىدا كەسكىن تەدبىر قوللاندى، ئالدىنى ئېلىش-تىزگىنلەش خىزمىتىدە ئىجابىي ئۈنۈم ھاسىل قىلىنىپ، ئىقتىساد ۋە جەمئىيەت تەدرىجىي جانلاندى. جۇڭگو بىلەن سىنگاپور دوستانە قوشنا دۆلەت، جۇڭگو جۇڭگو-سىنگاپور مۇناسىۋىتىگە يۈكسەك ئەھمىيەت بېرىدۇ. مەن لى شيەنلۇڭ بىلەن بىللە، يۇقۇمغا تاقابىل تۇرۇپ ۋە تەرەققىيات ھەمكارلىقىنى بىر تۇتاش پىلانلاپ ئىلگىرى سۈرۈپ، «بىر بەلباغ، بىر يول»نى يۇقىرى سۈپەتلىك ئورتاق قۇرۇشنى سىجىل چوڭقۇرلاشتۇرۇپ، جۇڭگو-سىنگاپور مۇناسىۋىتىنى ئىككى دۆلەتنىڭ دىپلوماتىك مۇناسىۋەت ئورناتقانلىقىنىڭ بۇ يىلقى 30 يىللىقى ھارپىسىدا يەنە يېڭى پەللىگە كۆتۈرۈشنى خالايمەن.
مەنبە: خەلق تورى
مەسئۇل مۇھەررىر : مەلىكەم مەمەت
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ