«شى جىنپىڭنىڭ "ئەسلى مەقسەتنى ئۇنتۇماي، بۇرچنى ئەستە چىڭ ساقلاش" توغرىسىدىكى بايانلىرىدىن ئۈزۈندىلەر» نەشر قىلىنىپ تارقىتىلدى

　　خەلق تورى ئۇيغۇرچە قانىلىنىڭ 30- ئاۋغۇست بېيجىڭدىن بەرگەن تېلېگراممىسى: 2- تۈركۈم «ئەسلى مەقسەتنى ئۇنتۇماي، بۇرچنى ئەستە چىڭ ساقلاش» باش تېما تەربىيەسىنى قانات يايدۇرۇشقا ماسلىشىش ئۈچۈن، ج ك پ مەركىزىي كومىتېتىنىڭ پارتىيە تارىخى ۋە ھۆججەت تەتقىقات يۇرتى، مەركەزنىڭ «ئەسلى مەقسەتنى ئۇنتۇماي، بۇرچنى ئەستە چىڭ ساقلاش» باش تېما تەربىيەسى رەھبەرلىك گۇرۇپپىسى ئىشخانىسى بىلەن بىرلىكتە «شى جىنپىڭنىڭ "ئەسلى مەقسەتنى ئۇنتۇماي، بۇرچنى ئەستە چىڭ ساقلاش» توغرىسىدىكى بايانلىرىدىن ئۈزۈندىلەر» (تۆۋەندە قىسقارتىلىپ «ئۈزۈندىلەر» دېيىلىدۇ)نى تەھرىرلەپ، مەركىزىي ھۆججەت نەشرىياتى، پارتىيە قۇرۇلۇشى ئوقۇشلۇقى نەشرىياتى تەرىپىدىن نەشر قىلىندى، بۈگۈندىن باشلاپ پۈتۈن مەملىكەتتە تارقىتىلىدۇ.

　　«ئۈزۈندىلەر»نىڭ مەزمۇنى باش شۇجى شى جىنپىڭنىڭ 2012- يىلى 11- ئاينىڭ 15- كۈنىدىن 2019- يىلى 7- ئاينىڭ 16- كۈنىگىچە بولغان مەزگىلدىكى سۆزلىرى، دوكلاتلىرى، ماقالىلىرى، يوليورۇق ۋە تەستىقىي يوليورۇقلىرى قاتارلىق 130 نەچچە پارچە مۇھىم ھۆججەتتىن ئېلىنغان بولۇپ، 10 مەخسۇس تېمىغا بۆلۈنگەن، جەمئىي 362 ئابزاس بويىچە بايان قىلىنغان. بۇنىڭ ئىچىدە، بىر قىسىم بايانلار تۇنجى قېتىم ئاشكارا ئېلان قىلىندى. مەركەزنىڭ «ئەسلى مەقسەتنى ئۇنتۇماي، بۇرچنى ئەستە چىڭ ساقلاش» باش تېما تەربىيەسى رەھبەرلىك گۇرۇپپىسى ئىشخانىسى مۇنۇلارنى تەكىتلىدى: «ئۈزۈندىلەر» بولسا،«ئەسلى مەقسەتنى ئۇنتۇماي، بۇرچنى ئەستە چىڭ ساقلاش» باش تېما تەربىيەسىنى قانات يايدۇرۇشتىكى ئاساسىي دەرسلىك ۋە باش شۇجى شى جىنپىڭنىڭ ئالاقىدار بايانلىرىنى ئۆگىنىشتىكى مۇھىم ئوقۇشلۇق ھېسابلىنىدۇ. بىز «ئۈزۈندىلەر»نى باش تېما تەربىيەسىنى ئۆگىنىش پىلانىغا كىرگۈزۈپ، پارتىيە ئەزالىرىنى ئەستايىدىل ئۆگىنىشكە تەشكىللەپ، ھەقىقىي تۈردە ئەسلى مەقسەتنى ئۇنتۇماسلىقنى ئىشقا ئاشۇرۇپ، بۇرچنى زىممىسىگە ئېلىپ، پەرقنى تېپىپ چىقىپ، ئەمەلىيلەشتۈرۈشنى تۇتۇپ، شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسى ئارقىلىق مېڭىمىزنى قوراللاندۇرۇپ، ئەمەلىيەتكە يېتەكچىلىك قىلىپ، خىزمەتلەرنى ئىلگىرى سۈرۈشىمىز كېرەك.

　　مەنبە: خەلق تورى