ۋاڭ ياڭ: ئوبيېكتىپ پاكىت، جانلىق مىساللار ئارقىلىق شىزاڭنىڭ «نامراتلارنى يۆلەش ھېكايىسى»نى ياخشى سۆزلەش كېرەك

　　خەلق تورى ئۇيغۇرچە قانىلىنىڭ 23 – ئاۋغۇست بېيجىڭدىن بەرگەن تېلېگراممىسى: جۇڭگو كوممۇنىستىك پارتىيەسى مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى، مەملىكەتلىك سىياسىي كېڭەشنىڭ رەئىسى ۋاڭ ياڭ يېقىندا شىزاڭدا تەكشۈرۈپ تەتقىق قىلدى. ئۇ مۇنۇلارنى تەكىتلىدى: نۆۋەتتە نامراتلىقتىن قۇتۇلدۇرۇش ئۆتكىلىگە ھۇجۇم قىلىش ھەل قىلغۇچ ھالقىلىق مەزگىلگە كىردى، بۇنىڭدا ئەڭ مۇھىمى خىزمەتتە بوشاڭلىق قىلىشنىڭ ئالدىنى ئېلىش، ئىدىيەدە غۇلاشنىڭ ئالدىنى ئېلىش كېرەك. پارتىيەنىڭ شىزاڭنى ئىدارە قىلىش تەدبىرى ۋە پارتىيە مەركىزىي كومىتېتىنىڭ نامراتلىقتىن قۇتۇلدۇرۇش ئۆتكىلىگە ھۇجۇم قىلىش توغرىسىدىكى تەدبىر – ئورۇنلاشتۇرمىلىرىنى ئىزچىللاشتۇرۇپ، ئەمەلىيلەشتۈرۈپ، باش شۇجى شى جىنپىڭنىڭ «ئىككىدىن غەم قىلدۇرماسلىق، ئۈچتە كاپالەتلەندۈرۈش»تىكى گەۋدىلىك مەسىلىلەرنى ھەل قىلىش سۆھبەت يىغىنىدا قىلغان مۇھىم سۆزىنىڭ روھىنى ئەستايىدىل ئۆگىنىپ، ئۆزلەشتۈرۈپ، ئۇدا جەڭ قىلىش، جەڭ قىلغانسېرى باتۇر بولۇش ئىستىلىنى ئەۋج ئالدۇرۇپ، ئىدىيەۋى تونۇشنى بىرلىككە كەلتۈرۈپ، خىزمەتلەرنى ئەمەلىيلەشتۈرۈشنى چىڭ تۇتۇپ، نامراتلىقتىن قۇتۇلدۇرۇش ئۆتكىلىگە ھۇجۇم قىلىش جېڭىنىڭ غەلىبىسىنى يۇقىرى سۈپەتتە قولغا كەلتۈرۈشكە كاپالەتلىك قىلىپ، شىزاڭدىكى ھەر مىللەت ئاممىنىڭ پۈتۈم مەملىكەت خەلقى بىلەن بىرلىكتە ئومۇميۈزلۈك ھاللىق سەۋىيەگە يېتىشىنى ئىشقا ئاشۇرۇشىغا كاپالەتلىك قىلىش كېرەك.

　　مەنبە: خەلق تورى