باش بەت قىلىڭ بەت ساقلاڭ ئالاقىلىشىڭ بىز
خەلق تورى>>مۇھىم خەۋەرلەر

شى جىنپىڭ بىرما دۆلەت مۇداپىئە ئارمىيەسىنىڭ باش قوماندانى مىن ئاڭلەي بىلەن كۆرۈشتى

2019.04.11 14:25   مەنبە: خەلق تورى

شى جىنپىڭ بىرما دۆلەت مۇداپىئە ئارمىيەسىنىڭ باش قوماندانى مىن ئاڭلەي بىلەن كۆرۈشتى

  خەلق تورى ئۇيغۇرچە قانىلىنىڭ 11- ئاپرېل بېيجىڭدىن بەرگەن تېلېگراممىسى: دۆلەت رەئىسى شى جىنپىڭ 10-ئاپرېل چۈشتىن كېيىن خەلق سارىيىدا، جۇڭگوغا زىيارەتكە كەلگەن بىرما دۆلەت مۇداپىئە ئارمىيەسىنىڭ باش قوماندانى مىن ئاڭلەي بىلەن كۆرۈشتى.

  شى جىنپىڭ مۇنداق دېدى: جۇڭگو بىلەن بىرمىنىڭ «قېرىنداشلار دولقۇنى» دوستلۇقى ئۇزاق تارىخقا ئىگە. نۆۋەتتە، جۇڭگو-بىرما مۇناسىۋىتى ئومۇمىي جەھەتتىن ياخشى تەرەققىي قىلىپ، ھەرقايسى ساھە، ھەرقايسى قاتلامدىكى ئالاقە ۋە ھەمكارلىقى ئۈزلۈكسىز كېڭىيىپ، «بىر بەلباغ، بىر يول»نى بىرلىكتە قۇرۇش ھەمكارلىقىدا يېڭى ئىلگىرىلەش بولدى. جۇڭگو تەرەپ جۇڭگو-بىرما مۇناسىۋىتىگە يۈكسەك ئەھمىيەت بېرىدۇ، خەلقئارا ۋەزىيەتتە قانداق ئۆزگىرىش بولۇشىدىن قەتئىينەزەر، بىرما تەرەپ بىلەن ئىستراتېگىيەلىك ئالاقىنى بۇرۇنقىدەكلا كۈچەيتىپ، ئۆزئارا مەنپەئەت يەتكۈزۈش ھەمكارلىقىنى چوڭقۇرلاشتۇرۇپ، جۇڭگو- بىرما ئومۇميۈزلۈك ئىستراتېگىيەلىك ھەمكارلىق، ھەمراھلىق مۇناسىۋىتىنىڭ مەزمۇنىنى ئۈزلۈكسىز بېيىتىپ، ئىككى دۆلەت خەلقىگە تېخىمۇ كۆپ ئەمەلىي مەنپەئەت ئېلىپ كېلىپ، رايون مۇقىملىقى ۋە گۈللىنىشى ئۈچۈن ئورتاق تۆھپە قوشۇشنى خالايدۇ.

  شى جىنپىڭ مۇنداق دېدى: جۇڭگو-بىرما ھەربىي ھەمكارلىقى ئىككى دۆلەتنىڭ ئومۇميۈزلۈك ئىستراتېگىيەلىك ھەمكارلىق- ھەمراھلىق مۇناسىۋىتىنىڭ مۇھىم تەركىبىي قىسمى. ئىككى ئارمىيە ئەمەلىي ئالاقە ۋە ھەمكارلىقنى چوڭقۇرلاشتۇرۇپ، ئۆزئارا ئىشىنىش، ئۆزئارا مەنپەئەت يەتكۈزۈش ئاساسىدىكى ھەمكارلىق ھەمدە ئىككى دۆلەتنىڭ ئورتاق خەۋپسىزلىكى ۋە تەرەققىيات مەنپەئىتىنى قوغداشقا كۈچ چىقىرىدىغان ئىككى ئارمىيە مۇناسىۋىتىنى ئورتاق بەرپا قىلىشى كېرەك.

  كۆرۈپ بېكىتكۈچى: ياسىن قادىر

  مەنبە: خەلق تورى


ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : ئالىم راخمان

 سۈرەتلەر

  •  تەۋسىيە

    ·قازاقىستاندا 6- ئايدا مۇددەتتىن بۇرۇن زۇڭتۇڭ سايلىمى ئۆتكۈزۈلىدۇ 
    ·جۇڭگو-قازاقىستان تۇنجى قېتىم بىرلىشىپ سۈرەتكە ئالغان «كومپوزىتور» ناملىق فىلىم 9-نۆۋەتلىك بېيجىڭ خە…
    ·ئوتتۇرا ۋە باشلانغۇچ مەكتەپ ئوقۇتقۇچىلىرىنىڭ ئۇچۇر تېخنىكىسىدىن پايدىلىنىش ئىقتىدارىنى تېز ئۆستۈرۈش…
    ·مائارىپ مىنىستىرلىقى، دۆلەت سەھىيە-ساغلاملىق كومىتېتى بالىلار، ياشلار-ئۆسمۈرلەرنىڭ يىراقنى كۆرەلمەس…
    ·مائارىپ مىنىستىرلىقى ئوقۇتقۇچىلارنىڭ كەسپىي ئەخلاقىغا ئائىت ئون تۈرلۈك مىزانغا خىلاپلىق قىلغان تۆت …
    ·مائارىپ مىنىستىرلىقى: تۆت چوڭ ۋەزىپىنى ئەمەلىيلەشتۈرۈپ، ئوتتۇرا-باشلانغۇچ مەكتەپ ئوقۇتقۇچىلىرىنىڭ ئ…
    ·خەلق گېزىتىدە مائارىپتىكى مۇددەتكە بۆلۈپ قەرز تۆلەش قالايمىقانچىلىقى ئەڭ دەسلەپكى چىقىش نۇقتىسىدىن …
    ·دۆلىتىمىز ئىسلاھاتقا يېتەكچىلىك قىلىدىغان، تەرەققىياتقا تىرەك بولىدىغان، جۇڭگوچە ئالاھىدىلىككە ئىگە…
    ·2019- يىللىق بېيجىڭ مەجبۇرىيەت مائارىپىنىڭ مەكتەپكە كىرىش سىياسىتى ئېلان قىلىندى
    ·مائارىپ مىنىستىرلىقى: باشقۇرۇش رايونى ۋە مەكتەپ رايونى بېكىتىلگەندىن كېيىن، بىر مەزگىلگىچە نىسپىي م…