خەلق تورى ئۇيغۇرچە قانىلىنىڭ 22-يانۋار بېيجىڭدىن بەرگەن تېلېگراممىسى: دۆلەت رەئىسى شى جىنپىڭ 21-يانۋار دىياۋيۈتەي دۆلەت مېھمانخانىسىدا كامبودژا باش ۋەزىرى خۇن سېن بىلەن كۆرۈشتى.
شى جىنپىڭنىڭ خۇن سېننىڭ جۇڭگوغا زىيارەتكە كەلگەنلىكىنى قارشى ئالدى. شى جىنپىڭ مۇنۇلارنى كۆرسەتتى: بۇلتۇر جۇڭگو-كامبودژا دىپلوماتىك مۇناسىۋەت ئورناتقانلىقىنىڭ 60 يىللىقى، ئىككى دۆلەت مۇناسىۋىتى يۇقىرى سەۋىيەلىك تەرەققىياتنى ساقلاپ كەلدى. «بىر بەلباغ، بىر يول»نى ئورتاق قۇرۇپ، ئۈزلۈكسىز چوڭقۇرلاشتۇرۇپ، ئەمەلىيلەشتۈردى. ئىككى تەرەپ رايون ۋە خەلقئارا ئىشلاردا زىچ ئالاقە ھەمكارلىقنى ساقلىدى. ھازىر، جۇڭگو-كامبودژا مۇناسىۋىتى يېڭى تەرەققىيات پۇرسىتىنى كۈتۈۋالدى. جۇڭگو كامبودژا بىلەن بىرلىكتە تىرىشىپ، جۇڭگو-كامبودژاغا نىسبەتەن ئىستراتېگىيەلىك ئەھمىيەتكە ئىگە تەقدىر ئورتاق گەۋدىسى قۇرۇشنى نىشان قىلىپ، ھەمكارلىق مۇھىم نۇقتىلىرىنى يەنىمۇ ئايدىڭلاشتۇرۇپ، تەرەققىيات خەرىتىسىنى پىلانلاپ، جۇڭگو-كامبودژا مۇناسىۋىتىنىڭ يېڭى پەللىگە كۆتۈرۈلۈشىگە تۈرتكە بولۇشنى خالايدۇ.
شى جىنپىڭ مۇنۇلار تەكىتلىدى: جۇڭگو كامبودژانىڭ ئۆز دۆلىتىنىڭ دۆلەت ئەھۋالىغا ماس كېلىدىغان تەرەققىيات يولىدا مېڭىشىنى قوللايدۇ، ئىشىنىمىزكى باش ۋەزىر ئەپەندىنىڭ رەھبەرلىكىدە، كامبودژا چوقۇم دۆلەت قۇرۇش ئىشلىرى جەھەتتە تېخىمۇ زور يېڭى نەتىجىلەرگە ئېرىشىدۇ. جۇڭگو-كامبودژا ھازىرقى ئاساستا، سىياسەت، ئىقتىساد، خەۋپسىزلىك، ئادىمىيەت تۆت جەھەتتىكى ھەمكارلىقنى نۇقتىلىق كۈچەيتىشى كېرەك. يۇقىرى قاتلام ئالاقىسىنى ساقلاپ، دۆلەتنى ئىدارە قىلىپ، ھاكىمىيەت يۈرگۈزۈش تەجرىبىسىنى ئالماشتۇرۇشنى كۈچەيتىپ، ئىككى دۆلەت ھۆكۈمىتى، قانۇن چىقىرىش ئاپپاراتى، پارتىيەسى، جايلارنىڭ ئالاقىسىنى كېڭەيتىپ، ب د ت، جۇڭگو __ شەرقىي-جەنۇبىي ئاسىيا ئەللىرى ئىتتىپاقى، لەنساڭجياڭ-مىكون دەرياسى ھەمكارلىقى قاتارلىق مېخانىزملاردىكى ئالاقە ھەمكارلىقنى چوڭقۇرلاشتۇرۇشى كېرەك. «بىر بەلباغ، بىر يول» تەشەببۇسىنى تېزلىتىشنى كامبودژانىڭ تەرەققىيات ئىستراتېگىيەسى بىلەن ئۇدۇللاشتۇرۇپ، قاتناش، ئىشلەپچىقىرىش ئىقتىدارى، ئېنېرگىيە، سودا، خەلق تۇرمۇشى قاتارلىق بەش چوڭ بۆلەكنىڭ ھەمكارلىقىنى ئىلگىرى سۈرۈشى كېرەك. مەدەنىيەت، ساياھەت، مەدەنىيەت مىراسلىرىنى قوغداش ۋە ئەسلىگە كەلتۈرۈش، ياشلار قاتارلىق ئالاقە ھەمكارلىقنى كۈچەيتىپ، قانۇن ئىجراسى بىخەتەرلىكى ھەمكارلىقىنى چوڭقۇرلاشتۇرۇشى كېرەك.
مەنبە: خەلق تورى