شى جىنپىڭ ئىسپانىيە پادىشاھى فېلىپ Ⅵ بىلەن كۆرۈشتى
2018.11.29 14:39 مەنبە: خەلق تورى
خەلق تورى ئۇيغۇرچە قانىلىنىڭ 29- نويابىر بېيجىڭدىن بەرگەن تېلېگراممىسى: شۇ جاي ۋاقتى 27-نويابىر، دۆلەت رەئىسى شى جىنپىڭ مادرىدتىكى سازۇئېلا ئوردىسىدا ئىسپانىيە پادىشاھى فېلىپ Ⅵ بىلەن كۆرۈشتى. شى جىنپىڭ مۇنۇلارنى بىلدۈردى: ئىسپانىيە پادىشاھى فېلىپ Ⅵنىڭ تەكلىپىگە بىنائەن گۈزەل ئىسپانىيەگە زىيارەتكە كەلگىنىمدىن بەكمۇ خۇشالمەن. 2005-يىلى جۇڭگو- ئىسپانىيە ئومۇميۈزلۈك ئىستراتېگىيەلىك ھەمراھلىق مۇناسىۋىتى ئورناتقاندىن بۇيان، ئىككى دۆلەت مۇناسىۋىتىنىڭ سەۋىيەسى ئۈزلۈكسىز ئۆستۈرۈلدى، سىياسىي جەھەتتىكى ئىشىنىشى بارغانسېرى كۈچەيدى، ھەمكارلىق ساھەلىرى داۋاملىق كېڭىيىۋاتىدۇ، ئەلئارا ئالاقە تېخىمۇ قويۇقلاشماقتا. جۇڭگو-ئىسپانىيە مۇناسىۋىتى تارىختىكى ئەڭ ياخشى مەزگىلدە تۇرۇۋاتىدۇ. مېنىڭ جۇڭگو- ئىسپانىيە مۇناسىۋىتىنىڭ تەرەققىيات ئىستىقبالىغا ئىشەنچىم كامىل. بۇ قېتىمقى ئىسپانىيەگە قىلىنغان زىيارەت مېنىڭ ئۇدا جۇڭگونىڭ دۆلەت رەئىسى بولغاندىن كېيىن تۇنجى قېتىم ياۋروپاغا زىيارەتكە كېلىشىم، شۇنداقلا بۇ قېتىمقى ياۋروپا ۋە لاتىن ئامېرىكىسىغا قىلىنغان زىيارىتىمنىڭ تۇنجى بېكىتى، بۇ قېتىمقى زىيارەت ئارقىلىق ئىككى دۆلەت دوستلۇقىنى مۇستەھكەملەپ، ھەمكارلىق سەۋىيەسىنى ئۆستۈرۈپ، جۇڭگو-ئىسپانىيە مۇناسىۋىتىنى ئۇزاققىچە مۇقىملاشتۇرۇشنى ئۈمىد قىلىمەن.
كۆرۈپ بېكىتكۈچى: ياسىن قادىر
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : ئالىم راخمان
باش بەت قىلىڭ
بەت ساقلاڭ ئالاقىلىشىڭ بىز 
سۈرەتلەر
