شى جىنپىڭ مادرىدقا بېرىپ ئىسپانىيە پادىشاھلىقىدىكى دۆلەت ئىشلىرى زىيارىتىنى باشلىدى

2018.11.28 15:08 مەنبە: خەلق تورى

　　خەلق تورى ئۇيغۇرچە قانىلىنىڭ 28-نويابىر بېيجىڭدىن بەرگەن تېلېگراممىسى: شۇ جاي ۋاقتى 27-نويابىر، دۆلەت رەئىسى شى جىنپىڭ مادرىدقا بېرىپ، ئىسپانىيە پادىشاھلىقىدىكى دۆلەت ئىشلىرى زىيارىتىنى باشلىدى.

　　شى جىنپىڭ مەخسۇس ئايروپىلانغا ئولتۇرۇپ ئىسپانىيە ھاۋا تەۋەلىكىگە كىرگەندە، ئىسپانىيە ھاۋا ئارمىيەسىنىڭ ئىككى ئۇرۇش ئايروپىلانى قوغداپ ئۇچتى. شۇ جاي ۋاقتى سائەت 16دىن 5 مىنۇتلار ئۆتكەندە، مەخسۇس ئايروپىلان مادرىد-باراجاس خەلقئارا ئايرودۇرۇمىغا يېتىپ باردى. شى جىنپىڭ ۋە خانىمى پېڭ لىيۈەن ئىسپانىيە ھۆكۈمىتى ئالىي ئەمەلدارلىرىنىڭ قىزغىن قارشى ئېلىشىغا ئېرىشتى. ئىسپانىيە ئۆسمۈرلىرى شى جىنپىڭ ئەر-ئايالغا گۈل تەقدىم قىلدى. ھۆرمەت قاراۋۇللىرى يولنىڭ ئىككى تەرىپىدە تۇردى.

　　شى جىنپىڭ جۇڭگو ھۆكۈمىتى ۋە جۇڭگو خەلقىگە ۋاكالىتەن، ئىسپانىيە ھۆكۈمىتى ۋە خەلقىگە سەمىمىي سالام يوللىدى ۋە ياخشى تىلەكلەرنى بىلدۈردى. شى جىنپىڭ مۇنۇلارنى كۆرسەتتى: جۇڭگو-ئىسپانىيەنىڭ ئالاقىسى ئۇزاق تارىخقا ئىگە. 2000يىلدىن كۆپرەك ۋاقىت ئىلگىرى، قەدىمىي قۇرۇقلۇق يىپەك يولى قەدىمىي پايتەخت چاڭئەن بىلەن ئىسپانىيەنىڭ تارراگونانى بىر-بىرىگە باغلىغان. 400 نەچچە يىل ئىلگىرى، ئىككى تەرەپ دېڭىز ئۈستى يىپەك يولى ئارقىلىق قويۇق سودا ئالاقىسى ئورناتقان. 1973-يىلى، ئىككى دۆلەت دىپلوماتىك مۇناسىۋەت ئورناتقان. 2005- يىلى، ئىككى دۆلەت ئومۇميۈزلۈك ئىستراتېگىيەلىك شېرىكلىك مۇناسىۋىتى ئورنىتىپ، جۇڭگو-غەرب مۇناسىۋىتىنىڭ قەدىمى تەرەققىيات يېڭى باسقۇچىغا كىردى. ھازىر، جۇڭگو-غەرب ئىككى دۆلەت ئىسلاھات، تەرەققىياتنىڭ مۇھىم باسقۇچىدا تۇرۇۋاتىدۇ، ئىككى تەرەپ مۇناسىۋىتىنى چوڭقۇرلاشتۇرۇش، ئەنئەنىۋى دوستلۇقنى مۇستەھكەملەش، ئەمەلىي ھەمكارلىقنى كېڭەيتىش، ئورتاق تەرەققىياتنى ئىشقا ئاشۇرۇش، ئىككى دۆلەت ۋە ئىككى دۆلەت خەلقنىڭ مەنپەئەتىگە ئۇيغۇن، شۇنداقلا دۇنيانىڭ تىنچلىقى، مۇقىملىقى، گۈللىنىشىگە پايدىلىق.

　　شى جىنپىڭ مۇنۇلارنى كۆرسەتتى: زىيارەت مەزگىلىدە، پادىشاھ فىلىپ VI ۋە باش ۋەزىر سانچېز قاتارلىق ئىسپانىيە رەھبەرلىرى بىلەن ئىككى تەرەپ مۇناسىۋىتى ۋە ئورتاق كۆڭۈل بۆلىدىغان مەسىلىلەر توغرىسىدا چوڭقۇر پىكىر ئالماشتۇرۇپ، جۇڭگو-ئىسپانىيەنىڭ ئومۇميۈزلۈك ئىستراتېگىيەلىك شېرىكلىك مۇناسىۋىتىنى ئىلگىرى سۈرۈشنىڭ يېڭى دەۋر مۇساپىسىنى ئېچىشنى ئۈمىد قىلىمەن.

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ