خەلق تورى ئۇيغۇرچە قانىلىنىڭ 25-ماي بېيجىڭدىن بەرگەن تېلېگراممىسى: دۆلەت رەئىسى شى جىنپىڭ 24-ماي خەلق سارىيىدا گېرمانىيە زۇڭلىسى مېركېل بىلەن كۆرۈشتى.
شى جىنپىڭ مۇنداق تەكىتىلدى: جۇڭگو بىلەن گېرمانىيە ھەمكارلىشىپ ئورتاق نەپ ئېلىشتا ئۈلگە كۆرسەتكۈچى، جۇڭگو-ياۋروپا مۇناسىۋىتىنىڭ باشلامچىسى، يېڭىچە خەلقئارا مۇناسىۋەتگە تۈرتكە بولغۇچى، ئىدېئولوگىيە جەھەتتىكى پەرقتىن ھالقىغان ھەمكارلاشقۇچى. بۇ، ئىككى دۆلەتنىڭ كېيىنكى باسقۇچتا ئىككى دۆلەت مۇناسىۋىتىنى ئىلگىرى سۈرۈشىدىكى ئورتاق تىرىشىش يۆنىلىشى بولۇشى كېرەك. ئىككى دۆلەت يۇقىرى قاتلامدىكىلەرنىڭ قويۇق ئالاقىسىنى ساقلاپ، ئىككى تەرەپ مۇناسىۋىتىنى يۇقىرى قاتلامدىن لايىھەلەشنى كۈچەيتىپ، ئىككى دۆلەتنىڭ ھەرقايسى ساھەلەردىكى ئالاقە، ھەمكارلىقىغا ئىلھام بېرىپ، مېخانىزملىق سۆھبەتلىشىشتىن ياخشى پايدىلىنىشى كېرەك، بىز گېرمانىيەنىڭ جۇڭگونىڭ يېڭى بىر نۆۋەتلىك ئېچىۋېتىش پۇرسىتىنى چىڭ تۇتىشىنى قارشى ئالىمىز؛ پەن-تېخنىكىدا يېڭىلىق يارىتىشنى باشلامچى قىلىپ، تورتنى بىرلىكتە چوڭ ياساپ، كەسىپنى زورايتىپ، بازارنى كېڭەيتىش كېرەك، ئىككى تەرەپ كەلگۈسىدىكى كەسىپ ساھەسىدە تېخىمۇ كۆپ ھەمكارلىشىپ، ئۈچىنچى تەرەپ بازىرىنى ئورتاق ئېچىشى؛ ئادىمىيەت ھەمكارلىقىنى تۇتقا قىلىپ، ئىككى دۆلەتنىڭ دوستانە ئەلرايى ئاساسىنى پۇختىلىشى؛ جۇڭگو بىلەن گېرمانىيەنىڭ مەسئۇلىيىتى ۋە مەسئۇلىيەتچانلىقىنى نامايان قىلىپ، تۈرلۈك دۇنياۋى خىرسلارغا ئورتاق تاقابىل تۇرۇشى كېرەك، بىز گېرمانىيە بىلەن كۆپ تەرەپلىك رامكا ئىچىدە دۇنيانى ئىدارە قىلىش ۋە كۆپ تەرەپلىكنى بىللە ئىلگىرى سۈرۈپ، قىزىق نۇقتا، قىيىن نۇقتا مەسىلىلىرىنى ھەل قىلىشقا تۈرتكە بولۇش جەھەتتە پىكىر ئالماشتۇرۇش، ھەمكارلىشىشنى كۈچەيتىشنى خالايمىز. جۇڭگو گېرمانىيەنىڭ «بىر بەلباغ، بىر يول» تەشەببۇسىنى قوللىغانلىقىنى ئالقىشلايدۇ، گېرمانىيە كارخانىلىرىنىڭ پائال قاتنىشىشنى قارشى ئالىدۇ.
شىنجاڭ گېزىتى تەرجىمىسى
مەنبە: خەلق تورى