- مۇھىم
- مەملىكەت
- شىنجاڭ
- خەلقئارا
لى كېچياڭ، جاڭ دېجياڭ فرانسىيە زۇڭتۇڭى ماكرون بىلەن ئايرىم- ئايرىم كۆرۈشتى
2018.01.10 15:43 مەنبە: خەلق تورى
خەلق تورى ئۇيغۇرچە قانىلىنىڭ 10-يانۋار بېيجىڭدىن بەرگەن تېلېگراممىسى: گوۋۇيۈەن زۇڭلىسى لى كېچياڭ 9-يانۋار چۈشتىن كېيىن خەلق سارىيىدا ئېلىمىزگە دۆلەت ئىشلىرى زىيارىتىگە كەلگەن فرانسىيە زۇڭتۇڭى ماكرون بىلەن كۆرۈشتى.
لى كېچياڭ مۇنداق دېدى: جۇڭگو-فرانسىيە مۇناسىۋىتى ئۇزاقتىن بۇيان جۇڭگونىڭ غەرب ئەللىرى بىلەن بولغان مۇناسىۋىتىدە ئالدىنقى قاتاردا تۇرۇپ كەلدى، بۇ، ئىككى تەرەپنىڭ ئۆزئارا ھۆرمەتلەش، ئۆزئارا باراۋەر مۇئامىلە قىلىش، ھەمكارلىشىپ ئورتاق نەپ ئېلىشتا باشتىن-ئاخىر چىڭ تۇرغانلىقىنىڭ نەتىجىسى. رەئىس شى جىنپىڭ سىز بىلەن سۆھبەتلىشىپ، يېڭى دەۋردىكى جۇڭگو-فرانسىيە مۇناسىۋىتىنىڭ ئىستراتېگىيەلىك پىلانىنى تۈزدى. ھازىرقى خەلقئارا ۋەزىيەتتە ئېنىقسىز، مۇقىمسىز ئامىللار يەنىلا گەۋدىلىك بولىۋاتقان شارائىتتا، جۇڭگو بىلەن فرانسىيە ئوخشاشلا ب د ت خەۋپسىزلىك كېڭىشىگە دائىمىي ئەزا دۆلەت بولغانلىقتىن، ئىككى تەرەپنىڭ مۇناسىۋەتنى چوڭقۇرلاشتۇرۇشى، ھەمكارلىقنى كۈچەيتىشى، خىرىسقا تاقابىل تۇرۇشىنىڭ زۆرۈرلىكى تېخىمۇ گەۋدىلەندى. جۇڭگو فرانسىيە بىلەن بىللە داۋاملىق تىرىشىپ، جۇڭگو-فرانسىيە مۇناسىۋىتىنى ئۈزلۈكسىز يېڭى پەللىگە كۆتۈرۈشنى ئىلگىرى سۈرۈشنى ئارزۇ قىلىدۇ.
شىنجاڭ گېزىتى تەرجىمىسى
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : ئالىم راخمان
${KEYWORD}
ئالاقىدار خەۋەرلەر