خەلق تورى ئۇيغۇرچە قانىلىنىڭ 28-ئاۋغۇست بېيجىڭدىن بەرگەن تېلېگراممىسى. دۆلەت رەئىسى شى جىنپىڭ 8-ئاينىڭ 27-كۈنى تيەنجىندە جۇڭگو مەملىكەتلىك 13-نۆۋەتلىك تەنھەرىكەت مۇسابىقىسىنىڭ ئېچىلىش مۇراسىمىغا قاتنىشىش ئۈچۈن كەلگەن ئاسىيا ئولىمپىك كېڭىشىنىڭ رەئىسى شاھزادە ئەھمەد بىلەن كۆرۈشتى.
شى جىنپىڭ ئاسىيا ئولىمپىك كېڭىشىنىڭ ئۇزاقتىن بۇيان جۇڭگونىڭ تەنتەربىيە ئىشلىرىنى ئىلگىرى سۈرۈش ۋە ئاسىيا تەنھەرىكەت ئىشلىرىنىڭ تەرەققىياتىغا ئاكتىپ تۆھپە قوشقانلىقىغا تەشەككۈر ئېيتتى. شى جىنپىڭ مۇنداق دېدى: جۇڭگو ئاسىيا ئولىمپىك كېڭىشىنىڭ خىزمەتلىرىنى داۋاملىق قوللايدۇ. ئاسىيادىكى ھەر قايسى دۆلەتلەر ئورتاق تەرەققىي قىلىپ ۋە گۈللىنىپلا قالماي، تەنتەربىيە جەھەتتە ئورتاق ئالغا بېسىشى كېرەك.
شىنجاڭ گېزىتى تەرجىمىسى
مەنبە: خەلق تورى