خەلق تورى ئۇيغۇرچە قانىلىنىڭ 28-ئاۋغۇست بېيجىڭدىن بەرگەن تېلېگراممىسى: دۆلەت رەئىسى شى جىنپىڭ 8-ئاينىڭ 27-كۈنى تيەنجىندە خەلقئارا ئولىمپىك كومىتېتىنىڭ رەئىسى باخ بىلەن كۆرۈشتى.
شى جىنپىڭ باخنىڭ جۇڭگوغا كېلىپ، جۇڭگو مەملىكەتلىك 13-نۆۋەتلىك تەنھەرىكەت مۇسابىقىسىنىڭ ئېچىلىش مۇراسىمىغا قاتناشقانلىقىنى قارشى ئالدى، شۇنداقلا باخ ھەم خەلقئارا ئولىمپىك كومىتېتىنىڭ ئۇزاقتىن بۇيان جۇڭگونىڭ ئولىمپىك تەنھەرىكىتى ۋە تەنتەربىيە ئىشلىرىنىڭ تەرەققىياتىنى ئىلگىرى سۈرۈشىگە ئاكتىپ تۆھپە قوشقانلىقىغا رەھمەت ئېيتتى. شى جىنپىڭ مۇنۇلارنى تەكىتلىدى: جۇڭگو تەنتەربىيە ئىشلىرىنى راۋاجلاندۇرۇشقا ئىزچىل ئەھمىيەت بېرىپ كەلدى، ئولىمپىك تەنھەرىكىتىنىڭ ئىجتىمائىي تەرەققىياتنى ئىلگىرى سۈرۈش جەريانىدىكى مۇھىم رولىغا ئېتىبار بىلەن قارىدى. جۇڭگو خەلقئارا ئولىمپىك كومىتېتىنىڭ خىزمەتلىرىنى قوللايدۇ، خەلقئارا ئولىمپىك كومىتېتى بىلەن بىرلىكتە خەلقئارا ئولىمپىك تەنھەرىكىتى، تەنتەربىيەسىنىڭ تىنچلىق ۋە تەرەققىياتنى ئىلگىرى سۈرۈش جەھەتتىكى رولىنى داۋاملاشتۇرىدۇ، شۇنداقلا جۇڭگو تەنتەربىيە ئىشلىرىنىڭ تەرەققىياتى قاتارلىق قارالمىلاردا چوڭقۇر پىكىر ئالماشتۇرۇشنى خالايدۇ.
شىنجاڭ گېزىتى تەرجىمىسى
مەنبە: خەلق تورى