خەلق تورى ئۇيغۇرچە قانىلىنىڭ 5-ئىيۇن بېيجىڭدىن بەرگەن تېلېگراممىسى: شۇ جاي ۋاقتى 2-ئىيۇن چۈشتىن بۇرۇن، گوۋۇيۈەن زۇڭلىسى لى كېچياڭ بىريۇسسېلدىكى ياۋروپا كېڭىشىنىڭ باش ئىشتابىدا ياۋروپا كېڭىشىنىڭ رەئىسى تۇسك، ياۋروپا ئىتتىپاقى كومىتېتىنىڭ رەئىسى جۇنكېر بىلەن بىرلىكتە 19-قېتىملىق جۇڭگو-ياۋروپا ئىتتىپاقى رەھبەرلىرى ئۇچرىشىشىغا رىياسەتچىلىك قىلدى.
لى كېچياڭ مۇنداق دېدى: جۇڭگو جۇڭگو-ياۋروپا مۇناسىۋىتىگە ئېتىبار بېرىدۇ، ياۋروپا ئىتتىپاقىغا ئەزا دۆلەتلەرنىڭ ئۆزى تاللىغان بىر گەۋدىلىشىش يولىدا مېڭىشىنى قوللايدۇ، ئىتتىپاق، مۇقىم، ئېچىۋېتىلگەن، گۈللەنگەن ياۋروپانى كۆرۈشنى خالايدۇ. خەلقئارا ۋەزىيەتتە ھازىر ئېنىقسىز، مۇقىمسىز ئامىللار كۆپىيىۋاتقان ئەھۋالدا، بۇ قېتىملىق ئۇچرىشىش ئارقىلىق جۇڭگو-ياۋروپا مۇناسىۋىتىنى مۇقىملاشتۇرۇش ۋە داۋاملىق مۇستەھكەملەش ئاكتىپ سىگنالى تارقىتىشنى ئۈمىد قىلىمەن، جۇڭگو-ياۋروپا ھەمكارلىقىنىڭ مۇقىملىقى بىلەن خەلقئارا ۋەزىيەتتىكى ئېنىقسىزلىققا تاقابىل تۇرۇشىمىز كېرەك.
شىنجاڭ گېزىتى تەرجىمىسى
مەنبە: خەلق تورى