خەلق تورى ئۇيغۇرچە قانىلىنىڭ 11- ئاپرېل بېيجىڭدىن بەرگەن تېلېگراممىسى: دۆلەت رەئىسى شى جىنپىڭ 10- ئاپرېل خەلق سارىيىدا بېرما زۇڭتۇڭى ۋۇ تىڭجۆ بىلەن سۆھبەتلەشتى. ئىككى دۆلەت باشلىقلىرى بىردەك بوران- چاپقۇندا بىللە بولۇش، قىيىن كۈنلەردە بىللە بولۇشتەك ئىسىل ئەنئەنە ، ئۆزئارا ھۆرمەت قىلىش، ئۆزئارا نەپ يەتكۈزۈش تەڭ پايدا ئېلىشتەك ھەمكارلىق فاڭجېنىدا چىڭ تۇرۇپ، جۇڭگو – بېرما مۇناسىۋىتىنىڭ سىجىل ساغلام، مۇقىم تەرەققىياتىنى ئىلگىرى سۈرۈپ، ئىككى دۆلەت خەلقلىرىگە تېخىمۇ كۆپ بەخت يارىتىشقا قوشۇلدى.
شى جىنپىڭ مۇنداق دەپ كۆرسەتتى: جۇڭگو- بېرمىنىڭ تاغ- سۇلىرى تۇتىشىپ كەتكەن، قېرىنداشلىق مىھرى چوڭقۇر. ئىككى دۆلەت دىپلوماتىك مۇناسىۋەت ئورناتقان 67 يىلدىن بۇيان، ئىككى دۆلەت مۇناسىۋىتى تىنچلىقتا بىللە تۇرۇشنىڭ بەش پىرىنسپى ئاساسىدا سىجىل تەرەققىياتقا ئېرىشتى، ئىككى دۆلەت خەلقلىرىگە ئەمەلىي مەنپەئەت ئېلىپ كەلدى. جۇڭگو بېرما بىلەن بولغان مۇناسىۋەتكە يۈكسەك ئەھمىيەت بېرىپ، بىرما بىلەن بىرلىكتە ئىككى دۆلەت خەلقلىرىنىڭ تۈپ مەنپەئەتىنى چىقىش قىلىپ، جۇڭگو- ئامېرىكا مۇناسىۋىتىنىڭ توغرا يۆنىلىشىنى چىڭ ئىگىلەپ، ئومۇميۈزلۈك ئىستىراتېگىيەلىك ھەمكارلىق سەۋىيەسىنى ئۆستۈرۈپ، مەڭگۈ ياخشى قۇشنا، ياخشى دوست، ياخشى قېرىنداش، ياخشى ھەھراھلاردىن بولۇشقا قوشۇلىدۇ.
شىنجاڭ گېزىتى تەرجىمىسى
مەنبە: خەلق تورى