خەلق تورى ئۇيغۇرچە قانىلىنىڭ 27-مارت بېيجىڭدىن بەرگەن تېلېگراممىسى: يېڭى زېلاندىيەنىڭ زۇڭلىسى بىل ئېنگىلىشنىڭ تەكلىپىگە بىنائەن شۇ جاي ۋاقتى 26-مارت چۈشتىن كېيىن، گوۋۇيۈەن زۇڭلىسى لى كېچياڭ مەخسۇس ئايروپىلانغا ئولتۇرۇپ ۋېللىڭتون خەلقئارا ئايرودۇرۇمىغا بېرىپ، يېڭى زېللاندىيەدىكى زىيارىتىنى باشلىدى. زۇڭلى لى كېچياڭنىڭ خانىمى چېڭ خۇڭ بىرگە كەلدى.
يېڭى زېللاندىيەنىڭ زۇڭلىسى ئېنگىلىش ۋە خانىمى مارىي ئېنگىلىش ئايرودۇرۇمغا چىقىپ كۈتۈۋالدى. ئىككى دۆلەت زۇڭلىلىرى ۋە ئۇلارنىڭ رەپىقىلىرى ئۆز ئارا تىنچلىق سورىشىپ، سەمىمىي پاراڭلاشتى. جۇڭگونىڭ يېڭى زېللاندىيەدە تۇرۇشلۇق ئەلچىسى ۋاڭ لۇدەنمۇ ئايرودۇرۇمغا چىقىپ كۈتۈۋالدى.
لى كېچياڭ مۇنداق دېدى: نۆۋەتتە دۇنيا ئىقتىسادىنىڭ قايتا جانلىنىشى يەنىلا ئاجىز بولۇپ، تەتۈر دۇنياۋىلىشىش ۋە قورۇقچىلىق خاھىشى باش كۆتۈرۈلۈۋاتىدۇ. جۇڭگو-يېڭى زېللاندىيە ئەركىن سودىنى تەشەببۇس قىلغۇچىلار ۋە ئەمەلىيەتتىن ئۆتكۈزگۈچىلەر. ئىككى دۆلەت نەچچە يىل بۇرۇنلا باشلامچىلىق بىلەن ئىككى تەرەپ ئەركىن سودا كېلىشىمى ئىمزالىغان، نۆۋەتتىكى ۋەزىيەتتە قورۇقچىلىققا قارشى تۇرۇش، سودا، مەبلەغ سېلىشنى ئەركىنلەشتۈرۈش، قولايلىقلاشتۇرۇش ئاكتىپ سېگنالىنى ئورتاق تارقىتىشى كېرەك. بۇ ئىككى تەرەپنىڭ ئورتاق مەنپەئەتىگە ئۇيغۇن بولۇپلا قالماي، يەنە مەزكۇر رايون ۋە دۇنيانىڭ مۇقىم تەرەققىياتى ۋە گۈللىنىشىگە پايدىلىق.
شىنجاڭ گېزىتى تەرجىمىسى
مەنبە: خەلق تورى