خەلق تورى ئۇيغۇرچە قانىلىنىڭ 1-مارت بېيجىڭدىن بەرگەن تېلېگراممىسى: سىياسىي كېڭەش مەملىكەتلىك 12-نۆۋەتلىك كومىتېتى دائىمىي كومىتېتىنىڭ 19-قېتىملىق يىغىنى 28-فېۋرال چۈشتىن كېيىن بېيجىڭدا يېپىلدى. مەملىكەتلىك سىياسىي كېڭەشنىڭ رەئىسى يۈ جېڭشېڭ يىغىنغا رىياسەتچىلىك قىلدى ۋە سۆز قىلدى.
يۈ جېڭشېڭ مۇنۇلارنى كۆرسەتتى: 2017-يىلى، جۇڭگو كوممۇنىستىك پارتىيەسىنىڭ 19-قۇرۇلتىيى ئېچىلىدۇ. مەملىكەتلىك سىياسىي كېڭەش پارتىيە 19-قۇرۇلتىيىنى كۈتۈۋېلىش، پارتىيە 19-قۇرۇلتىيىغا مۇلازىمەت قىلىش، پارتىيە 19-قۇرۇلتىيىنىڭ روھىنى ئۆگىنىش، تەشۋىق قىلىشنى پۈتۈن يىللىق مۇھىم سىياسىي ۋەزىپە قىلىپ، فۇنكسىيەسىنى ئادا قىلىشنى خىزمەتلەرنى ئەمەلىيلەشتۈرۈشنىڭ پۈتۈن جەريانىغا ۋە ھەر قايسى تەرەپلىرىدە ئەمەلىيلەشتۈرۈشى، پارتىيە 19-قۇرۇلتىيىنىڭ غەلىبىلىك ئېچىلىشى ئۈچۈن ياخشى ئىجتىمائىي مۇھىت يارىتىشى كېرەك.
يىغىندا، سىياسىي كېڭەش مەملىكەتلىك 12-نۆۋەتلىك كومىتېتى 5-يىغىنىنىڭ قارالما لايىھەسى ۋە كۈن تەرتىپى، سىياسىي كېڭەش مەملىكەتلىك 12-نۆۋەتلىك كومىتېتى 5-يىغىنىنىڭ قاراپ چىقىشىغا سۇنۇلىدىغان سىياسىي كېڭەش مەملىكەتلىك كومىتېتى دائىمىي كومىتېتىنىڭ خىزمەت دوكلاتى ۋە سىياسىي كېڭەش مەملىكەتلىك 12-نۆۋەتلىك كومىتېتىنىڭ 4-يىغىنىدىن بۇيانقى تەكلىپ خىزمىتى ئەھۋالى توغرىسىدىكى دوكلات، سىياسىي كېڭەش مەملىكەتلىك 12-نۆۋەتلىك كومىتېتى 5-يىغىنىنىڭ باش كاتىپى، مۇئاۋىن باش كاتىپلىرىنىڭ تىزىملىكى ماقۇللاندى.
شىنجاڭ گېزىتى تەرجىمىسى
مەنبە: خەلق تورى