- مۇھىم
- مەملىكەت
- شىنجاڭ
- خەلقئارا
ج ك پ مەركىزىي كومىتېتى سىياسىي بىيۇروسى يىغىن ئاچتى
مەركەز ھەربىي ۋە خەلق يۇغۇرما تەرەققىيات كومىتېتى تەسىس قىلىش قارار قىلىندى
2017.01.23 16:49 مەنبە: خەلق تورى
خەلق تورى ئۇيغۇرچە قانىلىنىڭ 23-يانۋار بېيجىڭدىن بەرگەن تېلېگراممىسى: ج ك پ مەركىزىي كومىتېتى سىياسىي بىيۇروسى 22-يانۋار يىغىن ئېچىپ، مەركەز ھەربىي ۋە خەلق يۇغۇرما تەرەققىيات كومىتېتى تەسىس قىلىشنى قارار قىلدى؛ «ج ك پ مەركىزىي كومىتېتى سىياسىي بىيۇروسى دائىمىي كومىتېتىنىڭ مەملىكەتلىك خەلق قۇرۇلتىيى دائىمىي كومىتېتى، گوۋۇيۈەن، مەملىكەتلىك سىياسىي كېڭەش، ئالىي خەلق سوت مەھكىمىسى، ئالىي خەلق تەپتىش مەھكىمىسى پارتگۇرۇپپىسىنىڭ خىزمەت دوكلاتى ۋە مەركىزىي كومىتېت شۇجىچۇسىنىڭ خىزمەت دوكلاتىنى ئاڭلاش ۋە مۇزاكىرە قىلىش توغرىسىدىكى ئۇنىۋېرسال ئەھۋال دوكلاتى»غا قاراپ چىقتى. ج ك پ مەركىزىي كومىتېتىنىڭ باش شۇجىسى شى جىنپىڭ يىغىنغا رىياسەتچىلىك قىلدى.
يىغىندا مەركەز ھەربىي ۋە خەلق يۇغۇرما تەرەققىيات كومىتېتى تەسىس قىلىش، شى جىنپىڭنى مۇدىرلىققا تەيىنلەش قارار قىلىندى. مەركەز ھەربىي ۋە خەلق يۇغۇرما تەرەققىيات كومىتېتى مەركەز قاتلىمىدا ھەربىي ۋە خەلقنىڭ يۇغۇرما تەرەققىياتىدىكى زور مەسىلىلەر توغرىسىدا تەدبىر بەلگىلەيدىغان ھەم كېڭىشىپ ماسلاشتۇرىدىغان ئاپپارات بولۇپ، ھەربىي ۋە خەلقنىڭ چوڭقۇر قاتلاملىق يۇغۇرما تەرەققىياتىغا بىرتۇتاش رەھبەرلىك قىلىدۇ، مەركىزىي كومىتېت سىياسىي بىيۇروسى، مەركىزىي كومىتېت سىياسىي بىيۇروسى دائىمىي كومىتېتى ئالدىدا جاۋابكار بولىدۇ.
بۇ قېتىمقى يىغىن مەملىكەتلىك خەلق قۇرۇلتىيى دائىمىي كومىتېتى، گوۋۇيۈەن، مەملىكەتلىك سىياسىي كېڭەش، ئالىي خەلق سوت مەھكىمىسى، ئالىي خەلق تەپتىش مەھكىمىسى پارتگۇرۇپپىسى ۋە مەركىزىي كومىتېت شۇجىچۇسىنىڭ 2016-يىلىدىكى خىزمەتلىرىنى تولۇق مۇئەييەنلەشتۈرۈپ، ئۇلارنىڭ 2017-يىللىق خىزمەت ئورۇنلاشتۇرۇشىغا قوشۇلدى. يىغىندا مۇنۇلار تەكىتلەندى: ج ك پ 18-نۆۋەتلىك مەركىزىي كومىتېتى 6-ئومۇمىي يىغىنىنىڭ روھىنى چوڭقۇر ئۆگىنىپ ئىزچىللاشتۇرۇپ، «يېڭى ۋەزىيەتتىكى پارتىيە ئىچىدىكى سىياسىي تۇرمۇش توغرىسىدىكى بىرقانچە مىزان»، «جۇڭگو كوممۇنىستىك پارتىيەسىنىڭ پارتىيە ئىچىدىكى نازارەتچىلىك نىزامى»نى قاتتىق ئىجرا قىلىش، سىياسىي ئاڭ، ئومۇمىيەت ئېڭى، يادرو ئېڭى، بىردەكلىك ئېڭىنى چوڭقۇر چۈشىنىپ ۋە پۇختا تۇرغۇزۇپ، يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ نوپۇزىنى قەتئىي قوغداش، ئىدىيەدە، سىياسىيدا، ھەرىكەتتە يولداش شى جىنپىڭ يادرولۇقىدىكى پارتىيە مەركىزىي كومىتېتى بىلەن يۈكسەك بىردەكلىكنى ساقلاش، پارتىيە مەركىزىي كومىتېتىنىڭ مەركەزلىك بىرتۇتاش رەھبەرلىكىنى قەتئىي قوغداپ، پارتىيە مەركىزىي كومىتېتىنىڭ تەدبىر، ئورۇنلاشتۇرمىلىرىنى تەلتۆكۈس ئىزچىللاشتۇرۇپ ئىجرا قىلىش كېرەك.
شىنجاڭ گېزىتى تەرجىمىسى
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : ئالىم راخمان
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
