شى جىنپىڭ جۇڭگو–لاتىن ئامېرىكىسى تاراتقۇ رەھبەرلىرى يىغىنىنىڭ باشلىنىش مۇراسىمىغا قاتناشتى

2016.11.24 15:47   مەنبە: خەلق تورى

　　خەلق تورى ئۇيغۇرچە قانىلىنىڭ 24-نويابىر بېيجىڭدىن بەرگەن تېلېگراممىسى: دۆلەت رەئىسى شى جىنپىڭ 11-ئاينىڭ 22-كۈنى سانتىياگودىكى ب د ت، لاتىن ئامېرىكىسى قىتئەسى ۋە كارىب ئىقتىساد كومىتېتىنىڭ باش ئىشتابىدا جۇڭگو-لاتىن ئامېرىكىسى تاراتقۇ رەھبەرلىرى يىغىنىنىڭ باشلىنىش مۇراسىمىغا قاتناشتى. چىلى زۇڭتۇڭى باچېلېت ئۇنىڭغا ھەمراھ بولدى.

　　شى جىنپىڭ كەلگەندە باچېلېت ھەم ب د ت، لاتىن ئامېرىكىسى قىتئەسى ۋە كارىب ئىقتىساد كومىتېتىنىڭ ئىجرائىيە كاتىپى بارسېنا قاتارلىقلار ئۇنى قىزغىن كۈتۈۋالدى. بارسېنا شى جىنپىڭنىڭ ب د ت، لاتىن ئامېرىكىسى قىتئەسى ۋە كارىب ئىقتىساد كومىتېتىغا زىيارەتكە كەلگەنلىكى ھەم جۇڭگو-لاتىن ئامېرىكىسى تاراتقۇ رەھبەرلىرى يىغىنىنىڭ باشلىنىش مۇراسىمىغا قاتناشقانلىقىنى قارشى ئالدى. شى جىنپىڭ قىزغىن ئالقىش سادالىرى ئىچىدە «جۇڭگو-لاتىن ئامېرىكىسى تاراتقۇلىرى ھەمكارلىقىدا يېڭى ۋەزىيەت يارىتايلى» دېگەن تېمىدا سۆز قىلدى.

　　شى جىنپىڭ تەكىتلەپ مۇنداق دېدى: تۇنجى نۆۋەتلىك جۇڭگو-لاتىن ئامېرىكىسى تاراتقۇ رەھبەرلىرى يىغىنىنىڭ رەسمىي ئۆتكۈزۈلۈشى جۇڭگو-لاتىن ئامېرىكىسى تاراتقۇلىرىنىڭ ئالاقە تارىخىدىكى زور يېڭىلىق ھەم كاتتا ئىش. «سادا ئوخشاش بولسا گەپ بىر يەردىن چىقىدۇ، كۆڭۈل بىرلەشسە كۆرۈشمەي تۇرۇپمۇ تۇغقاندەك ئۆتكىلى بولىدۇ». تاراتقۇلار ئالاقىسى جۇڭگو – لاتىن ئامېرىكىسى مۇناسىۋىتىنىڭ مۇھىم تەركىبىي قىسمى. جۇڭگو بىلەن لاتىن ئامېرىكىسىدىكى تاراتقۇلار جۇڭگو – لاتىن ئامېرىكىسى خەلقلىرىنىڭ دوستلۇقىغا ۋارىسلىق قىلىش ۋە ئۇنى راۋاجلاندۇرۇشتا زور نەتىجىلەرنى قولغا كەلتۈرەلەيدۇ.

　　شىنجاڭ گېزىتى تەرجىمىسى

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ