خەلق تورى ئۇيغۇرچە قانىلىنىڭ 19- ئۆكتەبىر بېيجىڭدىن بەرگەن تېلېگراممىسى: ج ك پ مەركىزىي كومىتېتىنىڭ باش شۇجىسى، دۆلەت رەئىسى شى جىنپىڭ 18- ئۆكتەبىر بېيجىڭدا جۇڭگو كومپارتىيەسىنىڭ «2016- يىللىق دۇنيا بىلەن سۆھبەتلىشىش يىغىنى»غا قاتنىشىش ھەم جۇڭگودا زىيارەتتە بولۇشقا كەلگەن موڭغۇلىيە خەلق پارتىيەسىنىڭ رەئىسى، دۆلەت بۈيۈك خۇرالىنىڭ رەئىسى مىيې ئېگومبو ئىنخبولد بىلەن كۆرۈشتى.
شى جىنپىڭ ئېنخبولدنىڭ پارلامېنت باشلىقى بولغاندىن بۇيان تۇنجى قېتىم جۇڭگودا زىيارەتتە بولغانلىقىنى قارشى ئالدى. ئۇ مۇنداق دېدى: ھازىر جۇڭگو-موڭغۇلىيە مۇناسىۋىتى ياخشى راۋاجلىنىش ۋەزىيىتىنى ساقلىماقتا، ئىككى تەرەپ ئىككى تەرەپلىك مۇناسىۋەتنى راۋاجلاندۇرۇشنى ئۆزلىرىنىڭ دىپلوماتىيەسىدە مۇھىم ئورۇنغا قويۇپ، ھەر قايسى ساھەلەردىكى ئالاقە ۋە ھەمكارلىقنى ئىلگىرى سۈرۈپ، ئىككى دۆلەت خەلقىگە ئەمەلىي نەپ ئېلىپ كېلىپ، رايون تىنچلىقى، مۇقىملىقى ۋە تەرەققىياتىنى ئىلگىرى سۈرۈش جەھەتتە ئىجابىي رولىنى جارى قىلدۇرۇۋاتىدۇ.
(شىنجاڭ گېزىتى تەرجىمىسى)
مەنبە: خەلق تورى