خەلق تورى ئۇيغۇرچە قانىلىنىڭ 26-ئاۋغۇست بېيجىڭدىن بەرگەن تېلېگراممىسى: ج ك پ مەركىزىي كومىتېتىنىڭ باش شۇجىسى، دۆلەت رەئىسى، مەركىزىي ھەربىي كومىتېتنىڭ رەئىسى شى جىنپىڭ 25-ئاۋغۇست چۈشتىن كېيىن بېيجىڭ خەلق سارىيىدا 31-نۆۋەتلىك ئولىمپىك تەنھەرىكەت مۇسابىقىسىگە قاتناشقان جۇڭگو تەنتەربىيە ۋەكىللەر ئۆمىكىنىڭ بارلىق ئەزالىرى بىلەن كۆرۈشۈپ، جۇڭگو تەنتەربىيە ئەزىمەتلىرىنىڭ زەپەر قۇچۇپ قايتىپ كەلگەنلىكىنى قارشى ئالدى، پارتىيە مەركىزىي كومىتېتى، گوۋۇيۈەنگە ۋاكالىتەن جۇڭگو تەنتەربىيە ۋەكىللەر ئۆمىكىدىكى بارلىق تەنھەرىكەتچىلەر، تىرېنېرلار، خىزمەتچىلەردىن سەمىمىي ھال سورىدى ۋە ئۇلارنى قىزغىن تەبرىكلىدى، تەنتەربىيە سېپىدىكى يولداشلاردىن سەمىمىي ھال سورىدى.
شى جىنپىڭ مۇنۇلارنى تەكىتلىدى: ئېلىمىز تەنتەربىيە ئەزىمەتلىرىنىڭ رىئودې ژانېيرو ئولىمپىك تەنھەرىكەت مۇسابىقىسىدىكى قالتىس ئىپادىسى ئولىمپىك روھى ۋە جۇڭخۇا تەنتەربىيە روھىنى جانلىق شەرھلىدى، ۋەتەن ۋە مىللەتكە شان - شەرەپ كەلتۈرۈپ، ئو ت م نى جۇلالاندۇرۇپ، كىشىلىك ھاياتقا مەنە قوشۇپ، مەملىكەت خەلقىنىڭ ۋەتەنپەرۋەرلىك قىزغىنلىقى ۋە دۇنيادىكى جۇڭخۇا پەرزەنتلىرىنىڭ مىللىي ئىپتىخارلىق تۇيغۇسىنى ئۇرغۇتۇپ، جۇڭخۇا مىللىتىنىڭ ئۇيۇشۇشچانلىقى، ئىنتىلىشچانلىقى، ئۆزىگە ئىشىنىشىنى كۈچەيتتى، بۇ جۇڭگو روھىنىڭ مۇھىم نامايەندىسى.
شى جىنپىڭ ئاخىرىدا رىئودى ژانېيرو ئولىمپىك تەنھەرىكەت مۇسابىقىسى مەزگىلىدە كىشىلەر دائىم توۋلىغان: تەنھەرىكەتچىلىرىمىز غەيرەت قىلىڭلار! جۇڭگو كوماندىسى غەيرەت قىلىڭلار! جۇڭگو غەيرەت قىل! دېگەن شوئار بىلەن سۆزىنى ئاخىرلاشتۇردى.
شىنجاڭ گېزىتى تەرجىمىسى
مەنبە: خەلق تورى