شى جىنپىڭ چىڭخەي ئۆلكىسىدە تەكشۈرۈشتە بولدى
2016.08.23 15:38 مەنبە: خەلق تورى
خەلق تورى ئۇيغۇرچە قانىلىنىڭ 23-ئاۋغۇست بېيجىڭدىن بەرگەن تېلېگراممىسى: باش شۇجى شى جىنپىڭ ئۈچ سائەتتىن ئارتۇق ۋاقىت ئايروپىلانغا ئولتۇرۇپ 22-ئاۋغۇست دېڭىز يۈزىدىن ئوتتۇرىچە ئېگىزلىكى 2800 مېتىر كېلىدىغان چىڭخەي ئۆلكىسى خەيشى موڭغۇل-زاڭزۇ ئاپتونوم ئوبلاستىنىڭ گولمۇد شەھىرىگە كېلىپ، يەنە ئاپتوموبىلغا ئولتۇرۇپ 60 كىلومېتىر يول يۈرۈپ چىڭخەي تۇزكۆل سانائىتى پاي چەكلىك شىركىتىنىڭ كالىيلىق ئوغۇت تارماق شىركىتى پرىستانىغا باردى. شى جىنپىڭ بۇ يەردە چايدام ئويمانلىقىنىڭ ئايلانما ئىقتىسادنى تەرەققىي قىلدۇرۇش ۋە تۇزكۆل بايلىقىنى ئۇنىۋېرسال ئىشلىتىش ئەھۋالى توغرىسىدىكى بايانلارنى ئاڭلاپ، كارخانىنىڭ ئىشلەپچىقىرىش تىجارەت، كەسپىي تېخنىكا جەھەتتىكى يېڭىلىقلار، ئېگىزلىكنىڭ ئۆزگىچە بىيو كەسپىنى تەرەققىي قىلدۇرۇش، ماگنىي قېتىشمىسى يېڭى ماتېرىيالى قاتارلىق ئەھۋاللىرىنى ئىگىلىدى. شى جىنپىڭ سال يولىنى بويلاپ مېڭىپ پىرىستانغا بېرىپ، زامانىۋى تۇز ئېلىش پاراخوتلىرىنىڭ مەشغۇلاتىنى كۆزدىن كەچۈردى. كارخانىنىڭ بەش يىلدىن 10 يىلغىچە دۇنيا بويىچە ماگنىي-لىتىي-كالىي ساھەسىدىكى ئەڭ چوڭ باشلامچى كارخانا بولۇشتىن ئىبارەت تەرەققىيات نىشانىنى مۇئەييەنلەشتۈردى.
شىنجاڭ گېزىتى تەرجىمىسى
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : ئالىم راخمان
باش بەت قىلىڭ
بەت ساقلاڭ ئالاقىلىشىڭ بىز 
سۈرەتلەر
