خەلق تورى ئۇيغۇرچە قانىلىنىڭ 18-ئىيۇل بېيجىڭدىن بەرگەن تېلېگراممىسى: گوۋۇيۈەن زۇڭلىسى لى كېچياڭ شۇ جاي ۋاقتى 16-ئىيۇل چۈشتىن بۇرۇن ئۇلانباتوردا 11-نۆۋەتلىك ئاسىيا-ياۋروپا باشلىقلار يىغىنىنىڭ بىرەسمىي يىغىنىغا قاتنىشىپ، خەلقئارا، رايون مەسىلىلىرى توغرىسىدا يىغىنغا قاتناشقان رەھبەرلەر بىلەن پىكىر ئالماشتۇردى.
لى كېچياڭ مۇنداق دېدى: ھازىر ئاسىيا-ياۋروپا رايونلىرى ئومۇمىي جەھەتتىن تىنچ، مۇقىم، لېكىن ھەر خىل ئەنئەنىۋى ۋە باشقا بىخەتەرلىك خىرىسلىرى يەنىلا گەۋدىلىك، بۇنىڭ ئىچىدە تېررورلۇق ھەرىكىتى ھەر قايسى دۆلەتلەر دۇچ كېلىۋاتقان ئورتاق خىرىس. ھەر قايسى دۆلەتلەر قول تۇتۇشۇپ تېررورلۇققا قارشى تۇرۇشنى كۈچەيتىپ، ھەقىقىي ئېچىۋېتىلگەن، سىغدۇرۇشچان جەمئىيەت بەرپا قىلىپ، تېررورلۇق ھەرىكىتىنى يىلتىزىدىن يوقىتىشى كېرەك.
شىنجاڭ گېزىتى تەرجىمىسى
مەنبە: خەلق تورى