خەلق تورى ئۇيغۇرچە قانىلىنىڭ 21-ئىيۇن بېيجىڭدىن بەرگەن تېلېگراممىسى: دۆلەت رەئىسى شى جىنپىڭ ۋە خانىمى پېڭ لىيۈەن19-ئىيۇن چۈشتىن كېيىن پولشا پايتەختى ۋارشاۋاغا باردى. شۇ كۈنى كەچتە تەكلىپكە بىنائەن بېلۋىللېدې سارىيىدا مېھمان بولدى. شى جىنپىڭ ۋە خانىمى پېڭ لىيۈەن پولشاغا بارغاندا پولشا زۇڭتۇڭى دۇدا ۋە ئايالى ئاگاتا ماشىنا توختىتىش ئورنىدا كۈتۈۋالدى.
شى جىنپىڭ مۇنۇلارنى تەكىتلىدى: پولشانىڭ تارىخىي مەدەنىيەت جۇغلانمىسى مۇستەھكەم، جۇڭگو-پولشانىڭ مەدەنىيەت ئالاقىسى قويۇق. ئىككى دۆلەت خەلقى دوستلۇقىنى قەدىرلەيدۇ. بۇ قېتىمقى زىيارىتىمنىڭ مەقسىتى دەل ئىككى تەرەپنىڭ چۈشىنىش ۋە ئۆز-ئارا ئىشىنىشىنى ئىلگىرى سۈرۈپ، ھەرقايسى ساھەلەردىكى ئالماشتۇرۇش ۋە ھەمكارلىقنى ئىلگىرى سۈرۈش، ئىككى دۆلەتنىڭ ئىستراتېگىيەلىك ھەمراھلىق مۇناسىۋىتىنى چوڭقۇرلاشتۇرۇشتىن ئىبارەت. پولشا ياۋروپا ئىتتىپاقىنىڭ مۇھىم ئەزاسى، شۇنداقلا ئوتتۇرا شەرقىي ياۋرۇپادىكى سەركەردە، جۇڭگو پولشا بىلەن ئورتاق تىرىشىپ، جۇڭگو-ئوتتۇرا شەرقىي ياۋروپا دۆلەتلىرى بىلەن بولغان ھەمكارلىق ۋە جۇڭگو-ياۋروپا مۇناسىۋىتى تەرەققىياتىنى ئىلگىرى سۈرۈشنى خالايدۇ. (شىنجاڭ گېزىتى تەرجىمىسى)
مەنبە: خەلق تورى