خەلق تورى ئۇيغۇرچە قانىلىنىڭ 20-ئىيۇن بېيجىڭدىن بەرگەن تېلېگراممىسى: دۆلەت رەئىسى شى جىنپىڭ شۇ جاي ۋاقتى 19-ئىيۇن ۋارشاۋاغا بېرىپ، پولشادىكى دۆلەت ئىشلىرى زىيارىتىنى باشلىدى.
شى جىنپىڭ پولشا خەلقىدىن سەمىمىي ھال سورىدى ۋە ياخشى تىلەكلەرنى تىلىدى. شى جىنپىڭ مۇنداق دېدى: پولشا جۇڭگونى ئەڭ بالدۇر ئېتىراپ قىلغان ۋە جۇڭگو بىلەن دىپلوماتىك مۇناسىۋەت ئورناتقان دۆلەتلەرنىڭ بىرى. جۇڭگو-پولشا دىپلوماتىك مۇناسىۋەت ئورناتقان 67 يىلدىن بۇيان، باشتىن-ئاخىر بىر-بىرىنى ھۆرمەتلەپ، باراۋەر مۇئامىلە قىلىپ كەلدى. يېقىنقى يىللاردىن بۇيان، ئىككى دۆلەت ئىستراتېگىيەلىك ھەمراھلىق مۇناسىۋىتى ئورنىتىپ، ھەر قايسى ساھەلەردىكى ھەمكارلىقى جۇش ئۇرۇپ تەرەققىي قىلدى ۋە جۇڭگو-ئوتتۇرا، شەرقىي ياۋروپا دۆلەتلىرى ھەمكارلىقى، جۇڭگو-ياۋروپا مۇناسىۋىتى رامكىسى ئىچىدە ياخشى ھەمكارلاشتى. جۇڭگو پولشا بىلەن بولغان مۇناسىۋەتكە ئەھمىيەت بېرىدۇ، ئىككى دۆلەتنىڭ ئەنئەنىۋى دوستلۇقنى مۇستەھكەملەپ، ھەر قايسى ساھەلەردىكى ھەمكارلىقنى كېڭەيتىپ، جۇڭگو-پولشا مۇناسىۋىتىنى يېڭى پەللىگە كۆتۈرۈشىنى ئۈمىد قىلىمەن. (شىنجاڭ گېزىتى تەرجىمىسى)
مەنبە: خەلق تورى