4-نۆۋەتلىك يادرو خەۋپسىزلىكى بويىچە باشلىقلار يىغىنى 1-ئاپرېل ئامېرىكىنىڭ پايتەختى ۋاشنگتوندا ئۆتكۈزۈلدى. دۆلەت رەئىسى شى جىنپىڭ بۇ قېتىمقى يىغىنغا قاتناشتى ھەمدە ‹‹ خەلقئارا يادرو خەۋپسىزلىكى سىستېمىسىنى كۈچەيتىپ، يەر شارىنىڭ يادرو خەۋپسىزلىكىنى تەرتىپكە سالايلى›› تېمىسىدا مۇھىم سۆز قىلىپ، ئادىل، باراۋەر، ئورتاق مەنپەئەتكە ئىگە خەلقئارا يادرو خەۋپسىزلىكى سىستېمىسى بەرپا قىلىشنى چۆرىدەپ، جۇڭگونىڭ سىياسىي تەشەببۇسىنى ئومۇميۈزلۈك بايان قىلدى، جۇڭگونىڭ يادرو خەۋپسىزلىكى ساھەسىدە قولغا كەلتۈرگەن يېڭى ئىلگىرلەشلەرنى تونۇشتۇردى ھەمدە جۇڭگونىڭ ئۆز دۆلىتىنىڭ يادرو خەۋپسىزلىكىنى كۈچەيتىش ھەمدە خەلقئارا ھەمكارلىقنى ئاكتىپ ئىلگىرى سۈرۈش تەدبىرىنى ئېلان قىلدى.
بۇ قېتىمقى يىغىندا ‹‹ يادرو خەۋپسىزلىكى سىستېمىسىنى كۈچەيتىش›› ئاساسىي تېما قىلىنغان بولۇپ، جەمئىي 52 دۆلەتنىڭ رەھبەرلىرى ۋە ۋەكىللىرى ھەمدە خەلقئارا تەشكىلاتلارنىڭ مەسئۇللىرى يىغىنغا قاتناشتى.