خەلق تورى ئۇيغۇرچە قانىلىنىڭ 14-دېكابىر بېيجىڭدىن بەرگەن تېلېگراممىسى: مەملىكەتلىك پارتىيە مەكتەپلىرى خىزمىتى يىغىنى 11-دېكابىردىن 12-دېكابىرغىچە بېيجىڭدا ئېچىلدى. ج ك پ مەركىزىي كومىتېتىنىڭ باش شۇجىسى، دۆلەت رەئىسى، مەركىزىي ھەربىي كومىتېتنىڭ رەئىسى شى جىنپىڭ يىغىنغا قاتناشتى ۋە مۇھىم سۆز قىلدى. ئۇ مۇنۇلارنى تەكىتلىدى: ئومۇميۈزلۈك ھاللىق جەمئىيەت قۇرۇپ چىقىش كۈرەش نىشانى، جۇڭخۇا مىللەتلىرىنىڭ ئۇلۇغ گۈللىنىشىدىن ئىبارەت جۇڭگو ئارزۇسىنى ئىشقا ئاشۇرۇشتا، پولاتتەك ئېتىقاد، ئىشەنچ، ئىنتىزامغا ئىگە مەسئۇلىيەتچان كادىرلار قوشۇنىنى تەربىيەلەپ يېتىشتۈرۈش ھەممىدىن مۇھىم. پارتىيە مەكتەپلىرىنىڭ زىممىسىگە رەھبىرىي كادىرلارنىڭ ئىرادىسىنى تىكلەپ كۈچەيتىپ، ئاساسىنى چېڭىتىشتەك مۇھىم ۋەزىپە يۈكلەنگەن، چوقۇم پارتىيە مەكتىپىنىڭ پارتىيە ئۈچۈن خىزمەت قىلىشتەك تۈپ پرىنسىپدا چىڭ تۇرۇپ، كادىرلار تەربىيەسى بويىچە تەربىيەلەش خىزمىتىگە تېخىمۇ ئېتىبار بېرىپ، يېڭى ۋەزىيەتتىكى پارتىيە مەكتەپلىرى خىزمىتىنى ھەقىقىي ياخشى ئىشلەش كېرەك.
ج ك پ مەركىزىي كومىتېتى سىياسىي بيۇروسى دائىمىي كومىتېتىنىڭ ئەزاسى لى كېچياڭ، جاڭ دېجياڭ، يۈ جېڭشېڭ، ۋاڭ چىشەن، جاڭ گاۋلى يىغىنغا قاتناشتى، ج ك پ مەركىزىي كومىتېتى سىياسىي بيۇروسى دائىمىي كومىتېتىنىڭ ئەزاسى، مەركىزىي پارتىيە مەكتىپىنىڭ باشلىقى ليۇ يۈنشەن خۇلاسە سۆزى قىلدى.
شى جىنپىڭ مۇنۇلارنى كۆرسەتتى: پارتىيە مەكتىپى ئىشلىرى پارتىيە ئىشلىرىنىڭ مۇھىم تەركىبىي قىسمى، پارتىيە مەكتىپى پارتىيە تەربىيەسى بويىچە رەھبىرىي كادىرلارنى تەربىيەلەشنىڭ ئاساسلىق يولى. مەركەزدىن تارتىپ يەرلىككىچە پارتىيە مەكتىپى سىستېمىسى بەرپا قىلىپ، مەخسۇس كادىرلارنى تەربىيەلەش پارتىيىمىزنىڭ چوڭ سىياسىي ئەۋزەللىكى. ئۇزۇندىن بۇيان، پارتىيىمىز پارتىيە مەكتىپى ئىستىھكامىدىن پايدىلىنىپ، زور تۈركۈم رەھبىرىي تايانچلارنى يېتىشتۈرۈپ، ئىنقىلاب، قۇرۇلۇش، ئىسلاھاتنىڭ داۋاملىق غەلىبىدىن غەلىبىگە قاراپ مېڭىشى ئۈچۈن كۈچلۈك تەشكىلىي كاپالەت بىلەن تەمىنلىدى. ھەر دەرىجىلىك پارتكوم يېڭى ۋەزىيەتتىكى پارتىيە مەكتەپلىرى خىزمىتىنى كۈچەيتىش ۋە ياخشىلاشنىڭ مۇھىم ئەھمىيىتىنى تولۇق تونۇپ، بۇرچ، مەسئۇلىيەت، تەخىرسىزلىك ئېڭىنى كۈچەيتىپ، پارتىيىمىزنىڭ ئۆزگىچە ئەۋزەللىكىنى ساقلىشى، ياخشى جارى قىلدۇرۇشى كېرەك.
شىنجاڭ گېزىتى تەرجىمىسى
مەنبە: خەلق تورى