دۆلەت رەئىسى شى جىنپىڭ 7-ماي قازاقىستاننىڭ پايتەختى ئاستانىگە يېتىپ بېرىپ قازاقىستاندىكى زىيارىتىنى باشلىدى. سۈرەتتە قازاقىستاننىڭ زۇڭلىسى مەسىموۋ قاتارلىقلار ئايرودرومغا چىقىپ رەئىس شى جىنپىڭ ۋە ئۇنىڭ خانىمى پېڭ لىيۈەننى كۈتۈۋالدى. (شىنخۇا ئاگېنتلىقىنىڭ مۇخبىرى جۈ پېڭ فوتوسى)
خەلق تورى ئۇيغۇرچە قانىلىنىڭ 7-ماي بېيجىڭدىن بەرگەن تېلېگراممىسى: دۆلەت رەئىسى شى جىنپىڭ 7-ماي قازاقىستاننىڭ پايتەختى ئاستانىگە يېتىپ بېرىپ قازاقىستاندىكى زىيارىتىنى باشلىدى.
شۇ جاي ۋاقتى چۈشتىن كېيىن سائەت 4:00 لەردە شى جىنپىڭ ئولتۇرغان مەخسۇس ئايروپىلان ئاستانە خەلقئارا ئايروپورتىغا قوندى. شى جىنپىڭ ۋە ئۇنىڭ خانىمى پېڭ لىيۈەن ئايروپىلاندىن چۈشتى، قازاقىستاننىڭ زۇڭلىسى مەسىموۋ، 1-مۇئاۋىن زۇڭلىسى ساجىتايېۋ ئۇلارنى كۈتۈۋالدى. قازاقىستانلىق ياشلار شى جىنپىڭ ۋە ئۇنىڭ رەپىقىسىگە گۈل تەقدىم قىلدى. ئەسكەرلەر قىزىل گىلەمنىڭ ئىككى تەرىپىدە تۇرۇپ كۆز سېلىپ سالام بەردى.
ۋاڭ خۇنىڭ، فەن چاڭلۇڭ، لى جەنشۇ، ياڭ جېجى قاتارلىقلارمۇ بىللە كەلدى.
جۇڭگونىڭ قازاقىستاندا تۇرۇشلۇق باش ئەلچىسى جاڭ خەنخۈيمۇ ئايروپورتقا كۈتۈۋېلىشقا چىقتى.
قازاقىستان شى جىنپىڭنىڭ بۇ قېتىملىق زىيارىتىدىكى تۇنجى بېكىتى. شۇنداقلا شى جىنپىڭنىڭ جۇڭگونىڭ رەئىسى بولغاندىن كېيىن قازاقىستاننى 2-قېتىم زىيارەت قىلىشى. شى جىنپىڭ 2013-يىلى 9-ئايدا قازاقىستاندا زىيارەتتە بولغاندا يىپەك يولى ئىقتىساد بەلبېغى قۇرۇش تەشەببۇسىنى تۇنجى قېتىم ئوتتۇرىغا قويۇپ، ئەتراپتىكى دۆلەتلەرنىڭ قىزغىن ئالقىشىغا ئېرىشكەنىدى. بىر يېرىم يىلدىن بۇيان، ئىككى تەرەپنىڭ ئورتاق تىرىشچانلىقى بىلەن جۇڭگو-قازاقىستاننىڭ ئومۇميۈزلۈك ئىستراتېگىيىلىك ھەمراھلىق مۇناسىۋىتى تېز تەرەققىي قىلىپ، ئىككى دۆلەتنىڭ ئەنئەنىۋى دوستلۇقىغا يېڭى ھاياتىي كۈچ ئاتا قىلدى.