لى كېچياڭ شەرقىي جەنۇبىي ئاسىيا ھەمكارلىق تەشكىلاتى رەھبەرلىرى يىغىنلىرىغا قاتنىشىش ۋە بېرمىدا رەسمىي زىيارەتتە بولۇش ئۈچۈن نايپىداۋغا يېتىپ باردى (2)

2014.11.13 17:05   مەنبە: خەلق تورى

　　خەلق تورى ئۇيغۇرچە قانىلىنىڭ 12-نويابىر نايپىداۋدىن بەرگەن خەۋىرى: شەرقىي جەنۇبىي ئاسىيا ھەمكارلىق تەشكىلاتىنىڭ نۆۋەتچى رەئىسى، بېرما فېدېراتسىيە جۇمھۇرىيىتىنىڭ زۇڭتۇڭى ۋۇ دېڭشېڭنىڭ تەكلىپىگە بىنائەن، گوۋۇيۈەن زۇڭلىسى لى كېچياڭ شۇ يەر ۋاقتى 12-نويابىر چۈشتىن كېيىن مەخسۇس ئايروپىلان بىلەن نايپىداۋ خەلقئارا ئايرودۇرۇمىغا يېتىپ باردى، ئۇ نايپىداۋدا 17-قېتىملىق جۇڭگو − شەرقىي جەنۇبىي ئاسىيا ھەمكارلىق تەشكىلاتى (10+1) رەھبەرلىرى يىغىنى، 17-قېتىملىق شەرقىي جەنۇبىي ئاسىيا ھەمكارلىق تەشكىلاتى بىلەن جۇڭگو-ياپونىيە-كورېيە (10+3) رەھبەرلىرى يىغىنى ۋە 9-قېتىملىق شەرقىي جەنۇبىي ئاسىيا ھەمكارلىق تەشكىلاتى رەھبەرلىرى يىغىنىغا قاتنىشىدۇ ھەمدە بېرمىدا رەسمىي زىيارەتتە بولىدۇ.

　　بېرما ھۆكۈمىتىنىڭ يۇقىرى دەرىجىلىك رەھبەرلىرى ۋە جۇڭگونىڭ بېرمىدا تۇرۇشلۇق باش ئەلچىسى ياڭ خوۋلەن، جۇڭگونىڭ شەرقىي جەنۇبىي ئاسىيا ھەمكارلىق تەشكىلاتىدا تۇرۇشلۇق ئەلچىسى ياڭ شيۇپىڭ قاتارلىقلار ئايرودۇرۇمغا چىقىپ كۈتۈۋالدى. ئايرودۇرۇمدا قارشى ئېلىش مۇراسىمى ئۆتكۈزۈلدى. (ۋۇ لېجۈن، لى نىڭ، ۋاڭ تيەنلېلار خەۋىرى جۇڭگو مىللەتلەر تەرجىمە ئىدارىسى تەرجىمىسى)

مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ